Ronaldu “Real Madrid”i niyə tərk edib?- Səbəbi

20:10 - 20 İyul 2018 - Xəbər

Portuqaliya millisinin futbolçusu Kriştianu Ronaldu İspaniyadakı yüksək vergi dərəcələrinə görə “Real Madrid”i tərk edib.

“Report” “Marca”ya istinadən xəbər verir ki, La Liqanın prezidenti Xavyer Tabes bu fikirdədir. O, bu problemin həll olunmasının zəruriliyini ifadə edib: “İspaniyadakı yüksək vergi dərəcələri səbəbi ilə Ronaldu İtaliyada daha çox qazanacaq. Biz sərfəli vəziyyətdə deyilik. İspaniya vergi baxımından top-liqalar arasında ən pis durumdadır. Oyunçular burada çox pul itirirlər. Biz bu problem üzərində düşünməliyik. Çünki bu durum çempionatın potensialına bərk zərbə vura bilər”.

Qeyd edək ki, 2009 – 2018-ci illərdə “Real Madrid”də çıxış edən Ronaldu 100 milyon avro müqabilində “Yuventus”a transfer olunub. Turin klubu ilə 4 illik müqavilə bağlayan 33 yaşlı hücumçunun illik maaşı 30 milyon avro olacaq.

Xəbər xətti