Ana səhifə
18 Avqust 2018

Əbülfəs Qarayev Qazaxda vətəndaşlarla görüşüb

Mədəniyyət naziri Əbülfəs Qarayev Qazaxda vətəndaşlarla görüşüb

Ucnoqta.az xəbər verir ki. Nazirlikdən verilən xəbərə görə, nazir Qazax şəhərində Ağstafa, Qazax, Tovuz, Şəmkir, Göygöl, Gədəbəy və Daşkəsən rayonlarının sakinlərini qəbul edib.

Qəbuldan öncə Əbülfəs Qarayev ümummilli lider Heydər Əliyevin abidəsinin önünə gül dəstəsi qoyaraq xatirəsini ehtiramla yad etdi. Nazir sonra Heydər Əliyev Mərkəzinin fəaliyyəti ilə tanış oldu.
Ədəbiyyat muzeyində keçirilən qəbulda Ağstafa sakinləri Keşikçidağ Dövlət Tarix-Mədəniyyət Qoruğunun saytında “Virtual Keşikçidağ” adlı turun yaradılması, rayon Mədəniyyət mərkəzinin tərkibində yaradılmış Xalq teatrına geyim və rekvizitlərin verilməsi, şəhər Uşaq Musiqi məktəbinin incəsənət məktəbinə çevrilməsi, rayon Dövlət Rəsm Qalereyasına nazirlik tərəfindən verilmiş əsərlər və digər məsələlərlə bağlı xahişlərini nazirə çatdırıblar.

Qazax sakinlərinin müraciətləri Heydər Əliyev Mərkəzində fəaliyyət göstərən kitabxananın fondunun zənginləşdirilməsi, Avey Dövlət Tarix-Mədəniyyət Qoruğunun abadlaşdırılması, Uşaq musiqi məktəbində nağara şöbəsinin açılması, Qazax Dövlət Rəsm Qalereyasında görkəmli rəssamların əsərlərindən ibarət sərgilərin təşkili barədə olub.

Tovuzdan qəbula yazılan vətəndaşlar tərəfindən rayon Dövlət Rəsm Qalereyasındakı bir neçə əsərin bərpası, Uşaq musiqi məktəbinin binasının nazirliyin balansına verilməsi, Xalq teatrının repertuarının zənginləşdirilməsinə köməklik göstərilməsi barədə müraciətlər ediblər.

Şəmkir sakinləri Moskva Dövlət Rəssamlıq və Sənaye Akademiyasında bədii şüşə ixtisası üzrə magistr təhsilinin davam etdirilməsinə köməklik göstərilməsi, Orta əsrlər Şəmkir qalasında arxeoloji işlərin davam etdirilməsi, qalaya qoruq statusunun verilməsi və digər məsələlərlə bağlı xahişlərini bildiriblər.

Göygöl sakinləri şəhər Uşaq musiqi məktəbinin incəsənət məktəbinə çevrilməsi, fəxri adın verilməsinə köməklik göstərilməsi barədə müraciət edblər.

Gədəbəy rayonunda Simenslər muzeyinin yaradılması, Daşkəsən rayonu ərazisindəki kurqanlarda aparılan arxeoloji qazıntılar zamanı aşkar edilən tapıntıların yerli Tarix-diyarşünaslıq muzeyinin fonduna verilməsi barədə xahişlər də sakinlər tərəfindən diqqətə çatdırılıb.

Qəbulda vətəndaşların müraciətlərinin bir qismi həllini tapıb, digər məsələlər araşdırılması üçün nəzarətə götürülüb və lazımi tədbirlərin görülməsi ilə bağlı tapşırıqlar verilib.

Tarix
20 İyul 2018 [12:32]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin