Ana səhifə
17 Avqust 2018

İlham Əliyev: "İtaliya və Azərbaycan çox yaxın dost, tərəfdaş ölkələrdir"

İtaliya və Azərbaycan çox yaxın dost, tərəfdaş ölkələrdir.

Bunu İtaliya Prezidenti Sercio Mattarella ilə birgə Heydər Əliyev Mərkəzində Azərbaycan-İtaliya biznes forumunda iştirak edən Prezident İlham Əliyev deyib.

Dövlətimizin başçısı qeyd edib: "Hörmətli cənab Prezident. Hörmətli qonaqlar. Xanımlar və cənablar. Bir daha, hörmətli cənab Prezident, Sizi Azərbaycanda səmimiyyətlə salamlayıram, xoş gəlmişsiniz deyirəm. Sizin səfəriniz çox böyük əhəmiyyət daşıyır.

Dünən keçirdiyimiz görüşdə apardığımız müzakirələr zamanı bir daha gördük ki, İtaliya və Azərbaycan çox yaxın dost, tərəfdaş ölkələrdir. Bizim tərəfdaşlığımızın təməlində birgə maraqlar, beynəlxalq məsələlərə ortaq münasibət dayanır. Təsadüfi deyil ki, bir neçə il bundan əvvəl İtaliya və Azərbaycan öz strateji tərəfdaşlıqlarını rəsmən təsdiq etdilər, müvafiq bəyannamə qəbul edilmişdir.

Sizin Azərbaycana səfəriniz bir daha bizim strateji tərəfdaşlıq əlaqələrimizi təsdiqləyir. Dünən bir çox məsələlər ətrafında çox açıq, səmimi fikir mübadiləsi aparılmışdır. Biz istəyirik ki, İtaliya-Azərbaycan əlaqələri bundan sonra da uğurla, sürətlə inkişaf etsin. Prezidentin səfəri bu əlaqələrin inkişafına çox güclü təkan verir".trend

Tarix
19 İyul 2018 [14:38]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin