Ana səhifə
16 Noyabr 2018

Azərbaycan səfiri etimadnaməsini KXDR Ali Xalq Məclisi Rəyasət Heyətinin Sədrinə təqdim edib

 İyulun 4-də tarixində Azərbaycan Respublikasının iqamətgahı Pekin şəhərində olmaqla Koreya Xalq Demokratik Respublikasındakı Fövqəladə və Səlahiyyətli səfiri Əkrəm Zeynallı etimadnaməsini Koreya Xalq Demokratik Respublikası Ali Xalq Məclisi Rəyasət Heyətinin Sədri cənab Kim Yon Nama təqdim edib.

Ucnoqta.az xəbər verir ki, XİN-nin Mətbuat xidmətindən verilən məlumata görə, Etimadnamənin təqdim edilməsi mərasimindən sonra səfir Əkrəm Zeynallı Koreya Xalq Demokratik Respublikası Ali Xalq Məclisi Rəyasət Heyətinin Sədri cənab Kim Yon Nam ilə görüşüb.
Görüş zamanı Azərbaycan Respublikası ilə KXDR arasında ikitərəfli əlaqələr, Ermənistan-Azərbaycan Dağlıq Qarabağ münaqişəsi, Azərbaycanın 2019-2022-ci illərdə Qoşulmama Hərəkatına sədrliyi çərçivəsində əməkdaşlıq, Koreya yarımadasında sülhün və sabitliyin təmin olunması istiqamətində atılan addımlar, eləcə də digər qarşılıqlı maraq doğuran məsələlər ətrafında geniş fikir mübadiləsi aparılıb.

Söhbət əsnasında Azərbaycanın Qoşulmama Hərəkatının məqsəd və məramlarını təşviq etməsi təqdir olunaraq, KXDR-in müvafiq səviyyədə Qoşulmama Hərəkatının 2019-cu ildə Azərbaycanda keçiriləcək XVIII zirvə toplantısında təmsil olunacağı qeyd olunub.   
Həmin gün səfir Əkrəm Zeynallı KXDR Xarici İşlər Naziri cənab Ri Yon Ho ilə də görüşmüş və ikitərəfli münasibətlərin inkişaf perspektivləri ilə bağlı fikir mübadiləsi aparıb. Nazir Ri Yon Ho Qoşulmama Hərəkatı xarici işlər nazirlərinin bu ilin aprelində Bakıda keçirilmiş toplantısı ilə əlaqədar Azərbaycana səfər etdiyini xatırlayaraq, ona və nümayəndə heyətinə göstərilən qonaqpərvərliyə görə təşəkkürünü ifadə edib.

Görüşlərdə Səfir Əkrəm Zeynallı Azərbaycanın inkişafı, ölkəmizin təşəbbüsü ilə həyata keçirilən irimiqyaslı nəqliyyat və enerji layihələri, regiondakı vəziyyət, Ermənistanın Azərbaycana qarşı təcavüzü və münaqişənin beynəlxalq hüququn norma və prinsiplərinə uyğun olaraq ədalətli həll edilməsi istiqamətində Azərbaycanın beynəlxalq ictimaiyyətlə birgə atdığı addımlar barədə məlumat verib. 

Tarix
5 İyul 2018 [16:56]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin