Avropa Şurası Parlament Assambeleyasının yay sessiyasında isveçrəli Liliane Maury Pasquier qurumun yeni prezidenti seçilib.
Ucnoqta.az xəbər verir ki, APA-nın Avropa müxbirinin verdiyi məlumata görə, o, bundan əvvəl prezident Mikele Nikolettiyə öz təşəkkürünü bildirib. L. M. Pasquier bir qadın kimi bu vəzifəyə seçilməkdən qurur duyduğunu deyib. O qeyd edib ki, bu günə qədər qurumun sadəcə üç qadın prezidenti olub. Qadınların yüksək vəzifələrdə çalışmasının önəmindən danışan yeni prezident, gender bərabərliyinin vacibliyini vurğulayıb.
Qeyd edək ki, AŞPA-nın hazırki prezidenti Mikele Nikoletti bu ilin yanvarında bu vəzifəyə seçilmişdi.
AŞPA-nın yay sessiyası iyunun 29-da başa çatacaq.