DYP Mingəçevirdə reyd keçirib

09:52 - 26 May 2018 - Xəbər

Mingəçevir Şəhər Dövlət Yol Polisi Şöbəsinin əməkdaşları şəhərin müxtəlif küçə və prospektlərində reyd keçirib. Ucnoqta.az xəbər verir ki, "Report"un məlumatına görə, reydin keçirilməsində əsas məqsəd yollarda hərəkətin təhlükəsizliyini təmin etmək və sürücülər tərəfindən yol verilən qayda pozuntularını aşkar etmək olub. Reyd zamanı sürücülük hüququ olmayan, təhlükəsizlik kəmərindən istifadə etməyən sürücülər müəyyənləşdirilib. Həmçinin, sürət həddini aşma, ötmə qaydalarının pozulması və digər qayda pozuntuları da aşkar edilib. Reyddə 30 sürücü haqqında inzibati tədbir görülüb və avtomobillər cərimə meydançasına aparılıb. Reydin əsas məqsədi yol hərəkəti iştirakçıları olan piyadaları marifləndirmək, baş verə biləcək qəzaların qarşısını almaqdan ibarət olub. Reydlərin mütəmadi şəkildə davam etdirilməsi nəzərədə tutulub.

Xəbər xətti