Ana səhifə
26 Sentyabr 2018

Avropa İttifaqı, BMTİP Azərbaycanda peşə təhsilinin inkişafına dəstəyi artırırlar

Avropa İttifaqı və Birləşmiş Millətlər Təşkilatının İnkişaf Proqramı, ümumi dəyəri 3.4 milyon ABŞ dolları olan yeni bir layihəyə start verərək, Azərbaycanın əmək bazarının tələblərinə və milli inkişaf planlarına uyğun olaraq ölkənin peşə təhsili və insan kapitalını gücləndirmək üçün birgə səylərini birləşdirirlər. Əsasən Azərbaycanın iki bölgəsi –Gəncə və Cəlilabadda texniki peşə təhsil və ixtisaslaşdırılmış peşə biliyi bazasının artırılmasını nəzərdə tutan “Azərbaycanda peşə təhsili və təlimi mərkəzlərinin müasirləşdirilməsi” adlı layihəyə 2017-ci ildə start verilmişdir. Layihə 2020-ci ilədək davam edəcək.

Hər iki bölgədə layihə elmi tərəqqiyə əsaslanan güclü iqtisadiyyat üçün əsas özül rolunu oynayan yerli kadrların inkişaf etdirilməsinə xidmət edəcək. Layihə ölkənin işçi potensialının ən həssas kateqoriyaları, o cümlədən gənclər, qadınlar və əlilliyi olan şəxslərin əmək bazarının tələblərinə cavab verən bacarıq və resurslardan yararlanmalasını təmin edəcək.
Bu məqsədlə BMTİP qeyri-neft sektorunda yeni peşə təhsili proqramlarının işlənib hazırlanması və həyata keçirilməsində milli qurumlara dəstək verəcəkdir.
Keyfiyyətli təhsil konsepsiyası 2030-cu il üzrə İnkişaf Proqramının əsasını təşkil edir və daha çox Qlobal Məqsədlər kimi tanınan Dayanıqlı İnkişaf Məqsədlərindən biridir. Xüsusilə bərabər və inkluziv təhsil imkanlarını hədəf tutan 4-cü Məqsəd: Keyfiyyətli Təhsil hamı üçün əlçatan peşə təhsili ilə əlaqədar bərabər imkanların yaradılması, bu prosesdən
heç kimin kənarda qalmamasını nəzərdə tutur.

Əmək bazarlarının getdikcə ixtisaslaşdığı bir dövrdə, hazırda yüksək keyfiyyətli peşə təhsilinə tələbat artmaqdadır. Məhz bu tələbatdan çıxış edərək, Azərbaycan Hökuməti daha rəqabətli milli peşə təhsili sisteminin təşviq edilməsinə yönələn müxtəlif siyasət proqramları və strategiyaları həyata keçirir.

Avropa İttifaqı və BMTİP tərəfindən həyata keçirilən Azərbaycanda peşə təhsili və təlimi mərkəzlərinin müasirləşdirilməsi layihəsi Hökumətin məhz bu səylərinə dəstək verərək, təhsilin keyfiyyətini və təhsil sahəsində bərabərliyi artırmağa yönəlmişdir. Layihə həmçinin milli peşə təhsili və təlim sisteminin Avropa standartları və ən qabaqcıl təcrübələrlə
uyğunluğunu təmin etmək məqsədi daşıyır.
Layihənin Gəncə regional komponentinə bu gün start verilərək beynəlxalq ictimaiyyət, yerli hakimiyyət orqanları, özəl sektor və yerli texniki peşə məktəblərinin müəllim heyətindən ibarət 60 nümayəndəni bir araya gətirən açılış mərasimi təşkil edilmişdir. Layihənin bu komponenti Gəncədə Sənaye üzrə Regional Peşə Kompetensiya Mərkəzinin yaradılmasına dəstək göstərəcək. Onu da qeyd edək ki, layihənin açılış mərasiminə həm də hal-hazırda Azərbaycanda rəsmi səfərdə olan Avropa Qonşuluq Siyasəti və Genişlənmə Danışıqları üzrə Avropa İttifaqı Komissarlığının nümayəndə heyəti qatılmışdır.

Açılış mərasimində çıxış edən Avropa İttifaqının Azərbaycan üzrə Nümayəndəliyinin Rəhbəri Səfir Kestutis Yankauskas peşə bacarıqlarının əhəmiyyətini vurğulamaqla, “peşə təhsili sektorunun müasir, şaxələnmiş iqtisadiyyat üçün ilkin şərt” olduğunu qeyd etmişdir. Onun sözlərinə görə, “Azərbaycan kimi əhalisinin 40%-nin 25 yaşdan aşağı olduğu bir
ölkədə təhsil, o cümlədən peşə təhsili və təlimi uzunmüddətli iqtisadi dayanıqlığa yatırılan əsas sərmayədir”.

Gəncə şəhərində aparılacaq layihə fəaliyyətlərinin nəticəsi olaraq, peşə təhsilinin beynəlxalq standartlara və spesifik sənaye tələblərinə cavab verməsini təmin etmək mümkün olacaq. Gəncədə Sənaye üzrə Regional Peşə Kompetensiya Mərkəzinin göstərdiyi xidmətlər həmçinin Gəncə şəhəri və ətraf rayonlarda peşə təhsilinin keyfiyyətini və ümumi
rəqabət qabiliyyətini artırmağa kömək edəcəkdir.
Peşə təhsilinin inkişafı sahəsində strateji perspektivlərdən danışan BMTİP-in Azərbaycan Ofisinin Rezident Nümayəndəsinin müavini Alessandro Frakassetti vurğulamışdır ki,“ölkədə peşə təhsili və peşə hazırlığı müəssisələrinin müasirləşdirilməsinə göstərilən davamlı dəstək uzunmüddətli potensialın artırılmasına və peşə hazırlığının struktur inkişafına yönəlməlidir.” 

 

Tarix
25 May 2018 [14:12]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin