Mayın 14-də Rusiya prezidenti Vladimir Putin və Ermənistanın baş naziri Nikol Paşinyan arasında ilk görüş keçiriləcək.
APA-nın Moskva müxbirinin məlumatına görə, bunu Kremlin mətbuat katibi Dmitri Peskov bildirib. "Həftənin birinci günü Avrasiya İqtisadi Birliyinin sammiti keçiriləcək. Prezident Putinlə Paşinyan arasında ikitərəfli görüş də olacaq", - deyə Peskov söyləyib. O, Putinin Qırğızıstan, Belarus və Qazaxıstan prezidentləri ilə də ikitərəfli görüşlər keçirəcəyini deyib.