Ana səhifə
22 Oktyabr 2018

Biləsuvarda evdən 10 min manatlıq qızıl oğurlayan şəxs saxlanıldı

Biləsuvar Rayon Polis şöbəsi əməkdaşlarının həyata keçirdiyi tədbirlərlə bir gündə iki cinayət faktının üstü açılıb. Belə ki, otlaq sahəsindən xırda buynuzlu heyvanlar, mənzildən isə 10 min manat dəyərində qızıl-zinət əşyaları oğurlayan şəxslər saxlanılıb.

Ucnoqta.az xəbər verir ki, DİN Mətbuat Xidmətinin Lənkəran regional qrupundan Trend-ə verilən məlumata görə, 22 aprel 2018-ci il tarixində Biləsuvar rayonunun Əsgərabad kənd sakini Rövşən Səfərov DİN-in “102” xidməti-zəng mərkəzinə zəng vuraraq bildirib ki, ərazidəki otlaq sahəsindən ona məxsus 3 ədəd xırdabuynuzlu heyvan oğurlanıb. “İzti izlər”lə aparılan tədbirlər zamanı elə həmin gün oğurluğu törətmiş şəxsin Biləsuvar rayonunun Dərvişli kənd sakini Mahir Rüstəmli olduğu müəyyən edilib. Həmin şəxs saxlanılaraq istintaqa təhvil verilib. Oğurladığı heyvanlar isə ondan maddi sübut kimi götürülərək sahibinə təhvil verilib.

Keçirilən digər əməliyyat tədbiri ilə isə həmkəndlisinin evindən qızıl-zinət əşyalarını oğurlayan şəxs saxlanılıb. Belə ki, 21 aprel 2018-ci il tarixində Biləsuvar rayon polis şöbəsinin Səmədabad polis bölməsinə ərazidəki evlərdən birindən 10 min manat dəyərində qızıl-zinət əşyalarının oğurlanması ilə bağlı müraciət daxil olub. Əməliyyat-axtarış tədbirləri ilə oğurluğu törətməkdə şübhəli bilinən şəxs qısa zamanda müəyyən edilərək polis əməkdaşları tərəfindən saxlanılıb. Araşdırmalarla onun Biləsuvar rayonu Səmədabad kəndində yaşayan Baloğlan Haqverdiyev olduğu müəyyən edilib. O saxlanılaraq istintaqa təhvil verilib. Oğurladığı qızıl-zinət əşyaları isə maddi sübut kimi götürülüb.

Faktlarla bağlı Cinayət Məcəlləsinin müvafiq maddələri ilə cinayət işi başlanılıb, araşdırma davam etdirilir.

Tarix
23 Aprel 2018 [11:49]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin