Xəbər verdiyimiz kimi, Bakıda tələbə, yetkinlik yaşına yenicə çatmış qızları falçı tərəfindən təcavüzə məruz qalıblar. Bildirilir ki, qızları Yasamaldakı evə dəvət edən şəxs onlara bihuşedici maddə qatılmış çay, su verib. Qızlar yuxuya gedəndən sonra bakirəlikləri pozulub, bundan sonra onlar təhdid ediliblər. Baş vermiş iyrənc hadisə haqda hüquq-mühafizə orqanlarına, “Təmiz Dünya” İctimai Birliyinə məlumat verilib. Ucnoqta.az xəbər verir ki, hüquq-mühafizə orqanlarından Oxu.Az-a verilən xəbərə görə, faktla bağlı artıq araşdırma başlayıb. “İddialar öz əksini tapsa həmin şəxs cinayət məsuliyyətinə cəlb ediləcək. Məsələ ilə bağlı hüquq mühafizə orqanları tərəfindən araşdırma aparılır”, - deyə Daxili İşlər Nazirliyinin mətbuat xidmətinin rəisi Ehsan Zahidov bildirib.