Ana səhifə
10 Dekabr 2018

Estoniyanın ilk "elektron vətəndaş"ı

Estoniya hökumətinin ilk “elektron vətəndaş”lıq kartı London sakini və “The Economist” jurnalının redaktoru Edvard Lukasa təqdim olunub. Redaktor peşə fəaliyyətində Şərqi Avropa və texnologiyalarla məşğul olur.

 

 

Ucnoqta.az bildirir ki, E.Lukasın dediyinə görə, o, çoxdan Estoniyanın “elektron vətəndaş”lıq pasportunu almaq arzusunda olub. “Vətəndaşlara kartlarla öz şəxsiyyətlərini təsdiq etmək imkanın verilməsi heyranedici və uğurlu sınaqdır. Məsələn, mən, hətta İngiltərədə yaşamaqla elektron imza göndərə bilmirəm. Estoniya isə bu sahədə hamıdan irəlidədir”, - ilk “elektron vətəndaş” bildirib.

Onun sözlərinə görə, indi o, elektron poçtla elektron imzanı göndərə, yerli bankda hesab aça bilər. Bundan başqa, mənim Estoniyada biznes fəaliyyəti göstərmək imkanım var. Mən inanıram ki, Estoniya sınağı vətəndaşlıqsız və sərhədlərsiz dünyaya atılan ilk addımdır.

Məlumat üçün bildirək ki, dekabrın 1-dən etibarən Estoniyada “elektron vətəndaşlıq” rəsmən tətbiq edilib.

Estoniya Respublikası dünyanın “elektron vətəndaşlıq” verən ilk ölkəsidir. Bundan sonra 50 avro (63 dollar) ödəməklə Estoniyanın virtual vətəndaşları ölkədə göstərilən rəqəmli xidmətlərdən istifadə etmək, eləcə də elektron sənədləri imzalamaq imkanı əldə edəcəklər. Bura onlayn bank, təhsil və səhiyyə xidmətləri daxildir.

Avropa İttifaqında Estoniya virtual vətəndaşlarının elektron imzaları əl imzaları kimi qanuni hesab ediləcək. Estoniya virtual vətəndaşlığı iş adamlarına və ölkədə bizneslə məşğul olmaq arzusunda olan, lakin yaşayış yerini dəyişmədən Estoniya vətəndaşlığını almaq istəyən insanlara verəcək. Bu addım hökumət və ölkənin informasiya-kommunikasiya sənayesi arasında əməkdaşlıq nəticəsində yaranan “elektron təşəbbüs” proqramının tərkib hissəsidir. Təşəbbüs Estoniyanı dünyanın ən qabaqcıl ölkələrindən biri etmək məqsədi daşıyır.

Bununla belə, Estoniya hökuməti bəyan edir ki, virtual vətəndaşlıq ölkənin rəsmi vətəndaşlığının alınmasına zəmanət vermir.

Virtual vətəndaşlığı almaq üçün şəxsən Estoniya Sərhəd Xidmətinə gələrək ərizə ilə müraciət etmək tələb olunur. Məsələ ilə bağlı qərar iki həftə ərzində veriləcək və bundan sonra Sərhəd Xidmətinə bir daha gələrək elektron kartı almaq lazım olacaq.

Virtual vətəndaşlıq kartı adi identifikasiya (şəxsiyyət vəsiqəsi) kartı deyil. Sənədin üzərində kart sahibinin fotoşəkli olmur. Fotoşəkli quraşdırılmış təhlükəsizlik sertifikatı və ikifaktorlu autentifikasiya mikroçipi əvəz edir. Estoniya hökumətinin məlumatına görə, bu, kartdan xüsusi quraşdırılmış proqram və kompüterə “USB” ilə qoşulan oxu qurğusu vasitəsilə istifadə etməyə imkan verir.   

Ölkə virtual vətəndaşlıq kartlarını cari ilin sonunadək buraxmağa başlamağı planlaşdırır.

15 yaşı tamam olan bütün Estoniya vətəndaşları identifikasiya kartlarına malikdir. Estoniya xəstəxanaları elektron tibbi sığorta və doğum haqqında elektron şəhadətnamələr verir. Bundan başqa, ölkədə identifikasiya kartlarının (ID kart) verildiyi on il ərzində təhlükəsizlik sisteminin pozulması ilə bağlı hal qeydə alınmayıb (mincom.gov.az)

 

Tarix
4 Dekabr 2014 [20:52]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin