Rusiyada keçiriləcək futbol üzrə dünya çempionatında mübahisəli epizodlar videotəkrar (VAR) sisteminin köməyi ilə azarkeşlərə göstəriləcək. "Report"un "Daily Mail"ə istinadən verdiyi məlumata görə, bu, mundialın oyunları zamanı stadionların böyük ekranlarında VAR-ın köməyi ilə futbolsevərlərə nümayiş olunacaq. Lakin epizodun təkrarı qərar qəbul edildikdən sonra göstəriləcək. Eyni zamanda hakim qərarı nə üçün verdiyini izah edəcək.
Qeyd edək ki, dünya çempionatının oyunları 14 iyun – 15 iyulda 11 şəhərdə keçiriləcək.