Ana səhifə
14 Noyabr 2018

Valverde: "Məsuliyyət mənim boynumdadır"

“Barselona”nın baş məşqçisi Ernesto Valverde “Roma”ya 0:3 hesabı ilə uduzduqları oyunu şərh edib. Qol.az-ın “Marca”ya istinadən yaydığı xəbərə görə, ispan mütəxəssis komandasının Çempionlar Liqası ilə vidalaşmasının məsuliyyətini üzərinə götürüb: “Mövsüm uzundur və Çempionlar Liqasını qazanmaq çətindir. Azarkeşlərin məyusluğunu anlayıram. Yarımfinalda oynamaq istəsək də, bu, futboldur. Bəzən uğursuzluğu həzm etməli olursan.  İndi ayağa qalxmalı və irəli getməliyik. Hələ qalib olmaq istədiyimiz 2 turnir var.  Bu gün öz oyunumuzu göstərə bilmədik. Rəqib isə çox aqressiv idi. “Roma”nı təbrik etməliyik. Onlar bizə çox problem yaşatdılar. Əlimizdə qalanlara köklənməliyik.  Bu, futbolun bir hissəsidir. Hər şeyə hazır olmalısan. Bu gün digər oyunlardakı kimi yaxşı oyun göstərə bilmədik. Rəqibin əziyyətini qiymətləndirməliyik.  Hər şeyə görə məsuliyyət mənim boynumdadır. Komandaya mən rəhbərlik edirəm. Ümid edirəm ki, bu nəticə İspaniya çempionatı və kubokundakı oyunumuza təsir göstərməyəcək”.  Qeyd edək ki, ilk oyunda 4:1 hesablı qələbəyə baxmayaraq, cavab matçında “Roma”ya 0:3 uduzan “Barselona” Çempionlar Liqasında mübarizəni 1/4 finalda dayandırıb.
Tarix
11 Aprel 2018 [10:57]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin