Ana səhifə
17 Noyabr 2018

ABŞ-ın BMT-dəki səfiri: “BMT-yə nifrət edirəm”

Heyli BMT-ni 2014-cü ildə Rusiya Krımı işğal və ilhaq etdiyi zaman, eləcə də Suriya məsələsində və Skripal olayında fəaliyyətsizlikdə günahlandırıb

ABŞ-ın BMT-dəki daimi nümayəndəsi Nikki Heyli bu təşkilatda daha əvvəl ölkəni təmsil etmiş və hazırda prezidentin müşaviri olan Con Bolton kimi, BMT-yə nifrət etdiyini bildirib.  Ucnoqta.az APA-ya istinadən xəbər verir ki, bu barədə o, Şimali Karolina ştatında yerləşən Duk Universitetində (Duke University) tələbələrin suallarını cavablandırarkən deyib.
N. Heyli BMT-ni 2014-cü ildə Rusiya Krımı işğal və ilhaq etdiyi zaman, eləcə də Suriya məsələsində və Skripal olayında fəaliyyətsizlikdə günahlandırıb: “2014-cü ildə Rusiya İkinci Dünya müharibəsindən sonra ilk dəfə Avropanın sərhədlərini pozaraq Ukrayna ərazisinə müdaxilə edib, Krımı udarkən BMT dayanıb baxırdı. Rusiya öz əməllərini Ukraynanın şərqində davam etdirir”. 

N. Heyli Rusiya Müdafiə Nazirliyi Baş Kəşfiyyat İdarəsinin keçmiş zabiti Sergey Skripal və qızının zəhərlənməsinə toxunaraq qeyd edib ki, Rusiyanın bu hadisə ilə əlaqəsi, eləcə də Suriyadakı fəaliyyətinə BMT tərəfindən lazımi reaksiya verilmir, halbuki beynəlxalq ictimaiyyət xüsusən Skripal məsələsində vahid mövqeyə malikdir: “Kim deyir ki, Rusiya belə şey edə bilməz? Belə hadisələr Nyu Yorkda, Vaşinqtonda və ya Şimali Karolinada da baş verə bilər”.

Qeyd edək ki, ABŞ prezidentinin yeni milli təhlükəsizlik müşaviri Con Bolton kiçik Corc Buş dövründə BMT-də səfir olub. O, təşkilatın siyasiləşdiyini və qeyri-effektiv olduğunu bildirib.

Tarix
6 Aprel 2018 [15:37]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin