“Bakı Telefon Rabitəsi” MMC-nin pulsuz “Wi-Fi” şəbəkəsinə 1 il ərzində qoşulma sayı 4 milyona çatıb. Ucnoqta.az xəbər verir ki, bu barədə Trend-ə şirkətdən məlumat verilib. “İctimai Wi-Fi” layihəsi çərçivəsində simsiz şəbəkənin əhatəsinin genişləndirilməsi işləri 2017-ci ilin martından başlayıb. Bakı şəhəri üzrə 18 məkan ictimai şəbəkəyə qoşulub. Qeyd edək ki, pulsuz “Wi-Fi” şəbəkəsi Dənizkənarı Milli Park, Dövlət Bayrağı Meydanı, “İçərişəhər” Dövlət Tarix-Memarlıq Qoruğu, Heydər Əliyev Mərkəzinin parkı, “Ağ şəhər” parkı, “Sahil” bağı, “Sabir” bağı, “Xaqani” bağı, “Axundov” bağı, “Zabitlər” parkı, “Qış” parkı,“Hüseyn Cavid” bağı, “Səməd Vurğun” bağı, “Muğan” bağı, “Fashion Avenue”, “Dədə Qorqud” parkı, “İzmir” parkı və “Nərimanov” parkında fəaliyyət göstərir.