“Əli İnsanov və İlqar Məmmədov əfv olunacaq” - Hüquq müdafiəçisi

09:55 - 13 Mart 2018 - SİYASƏT

“Əli İnsanov da, İlqar Məmmədov da həbsdən buraxılacaq”.
 

"Ucnoqta.az" “Qafqazinfo”ya istinadən xəbər verir ki, bunu “Yeni Müsavat”a açıqlamasında İnsan Haqları üzrə Birgə İşçi Qrupunun üzvü Novella Cəfəroğlu deyib. O bildirib: “Biz istəyirik ki, 2019-cu ilə siyasi məhbuslarsız gedək. Buna çox ümid edirik. Əli İnsanovun da əfvə düşmə şansları var”.
 

Əfv Komissiyasının üzvü Əliməmməd Nuriyev isə bildirib ki, kimin əfvə düşüb-düşməməsi ölkə başçısından asılıdır: “Burada müxtəlif QHT-lər, hüquq müdafiəçiləri, eyni zamanda ayrı-ayrı şəxslər məhkumlarla bağlı müraciət edə bilərlər. Amma əfvlə bağlı qərar qəbuletmə hüququ cənab prezidentə məxsusdur. Bu baxımdan əvvəlcədən kiminsə əfv olunub-olunmayacağını deyə bilmərik”.

Xəbər xətti