Ana səhifə
15 Oktyabr 2018

Azərbaycan siyasi modelinin dünyaya təsiri “Bizim Planet” də

“Dünyamızı qaçqın-köçkün, miqrant problemləri, eləcə də islamofobiya, ksenofobiya və ikili standartlar kimi məsələlər narahat edir. Dünyada baş verən bu qlobal problemlərin əksinə bu gün Azərbaycanda tam təhlükəsizlik və ictimai-siyasi sabitlik mövcuddur”. –bunu “Bizim Planet” verilişinin keçən həftəki buraxılışında politoloq Rufiz Qonaqov vurğulayıb. Millət vəkili, siyasi elmlər doktoru Elman Nəsirov və millət vəkili, Avropa İttifaqı Azərbaycan Parlament Əməkdaşlıq Komitəsinin həmsədri Cavanşir Feyziyevin iştirak etdiyi müzakirələr zamanı dünyadakı qlobal siyasi-ictimai problemlər, onların yaranma səbəbləri və bütün bu məslələrin əksinə öz dövlətçilik prinsipləri ilə qurulan Azərbaycan siyasi modelindən danılışılıb. Beynəlxalq Münasibətlərin Araşdırılması Mərkəzinin rəhbəri, politoloq Rufiz Qonaqov son dövrlərdə Avropada hökm sürən islamofobiya, ksenofobiya məsələlərini xüsusi qeyd edib. Politoloq ötən həftə Almaniyada məscidə qarşı törədilən vandalizm, Bremendəki “Fateh” məscidinin divarlarına islamofob və ksenofob şüarların yazılması, bununla belə 2017-ci ildən bu yana Almaniyada müsəlmanlara və məscidlərə qarşı azı 950 hücum faktının qeydə alınmasını tamaşaçıların diqqətinə çatdırıb. Verilişdə bildirilib ki, digər bir tərəfdən qaçqın-köçkün və miqrant problemlərini “həll etməyə” çalışan Avropanın qaçqınların qəbulu ilə bağlı siyasətini tənqid edən etiraz dalğalarının çoxalması göstərir ki, Avropanın özünün yaratdığı vəziyyətə dünya və eləcə də öz xalqları qarşısında cavab vermə iqtidarı yoxdur. Avropada uzun illərdir mövcud olan bu problemlərin müzakirəsində iştirak edən Avropa İttifaqı Azərbaycan Parlament Əməkdaşlıq Komitəsinin həmsədri Cavanşir Feyziyev vurğulayıb: “2008-ci ildən Avropa ölkələrində başlayan böhran bir çox çətinliklər ortaya çıxartdı. Təbii ki, bu ölkələrdə mövcud olan siyasi partiyalar öz mövqelərini ortaya qoymaq üçün bir sıra vədlərlə çıxış etməyə başladılar. Verilən bu vədlərin zamanında yerinə yetirilməməsi cəmiyyətdə çaşqınlıq yaratdı”. Veriliş boyu sözü geden məslələrin yaranma səbəbləri və nəticələri ilə bağlı fikir mübadiləsində millət vəkili Elman Nəsirov bildirib ki, dünyada səbəbsiz heç nə yoxudur. “Bəli, dünyamızda belə qorxulu tendensiyaların yaranmasında bir səbəb beynəlxalq hüququn düzgün işləməməsidir. Əgər hüquq və güc birləşsə belə problemlər olmaz. Beynəlxalq hüququn düzgün tətbiq edilməsi dünyanın siyasi nəbzini dəyişə bilər”. –deyə siyasi elmlər doktoru vurğulayıb. Politloq Rufiz Qonaqov Yaxın Şərqdə “Ərəb baharı” siyasi imicinin yaranmasını diqqətə çəkərək bildirib ki, Avropanın bu addımından sonra ərəb ölkələrində ictimai-siyasi sabitlik pozulmağa, islamofobiya kimi hallar çoxalmağa başladı ki, bu da Azərbaycan, Cənubi Qafqaz və digər regionlara da təsir etməyə bilməz. Bildirilib ki, “Ərəb baharı” siyasəti ərəb sivilizasiyası və mədəniyyətindən xəbəri olmayanlar tərəfindən yazılan bir ssenaridir ki, bu gün ərəb dövlətlərinin dağılmasına, çoxlu inasanların məhv olmasına səbəb olub. Eləcə də Dağlıq Qarabağ münaqişəsinin həllində nə Amerika, nə də Avropa demokratik yanaşmır. Sözdə haqlı tərəfi müdafiə edən beynəlxalq təşkilatların son sözü “öz aranızda həll edin” olur. Öz üzərlərinə götürdükləri öhdəlikləri yaradan da, pozan da özləridir. İraqda kürd dövlətinin yaranmasına, Kataloniyanın müstəqillik əldə etməsinə dərhal obyektiv yanaşan Avropa Birliyi və beynəlxalq təşkilatlar necə olur ki, bəs 26 ildir mövcud olan Azərbaycan-Ermənistan münaqişəsnin həllinə bu qədər səbr edir və dözür? Bütün bunların bir səbəbi də Amerika və Avropanın birgə siyasəti, ikili standartlar və beynəlxaq hüququn düzgün qurulmamasıdır. Verilişdə qeyd olunub ki, dünyada baş verən qlobal problemlərin əksinə Azərbaycanda bu gün tam təhlükəsizlik və ictimai-siyasi sabitlik mövcuddur. Burada yaşayan müxtəlif xalqlara, dinlərə qarşı tolerantlıq, multikulturialist dəyərlər sarsılmaz siyasətlə həyata keçirilir. Dövlətin yürütdüyü uğurlu siyasət özünün qaçqın və məcburi köçkün məsələlərinin həlli, eləcə də ikili standartlara baxmayaraq Dağlıq Qarabağ münaqişəsində ortaya qoyduğu qətiyyətli mövqeyi, güclü iqtisadiyyatı və artmaqda olan nüfuzu dünyanın bir sıra ölkələrini narahat edir. Bildirilib ki, Aərbyacanın kiçik bir ölkə olmasına baxmayaraq qısa zamanda regionun lider dövlərinə çevrilərək müxtəlif sahələrdə dünya əhəmiyyətli tədbirlərə ev sahibliyi etməsi, özünün deyil dünyanın problemlərinin həllinə yönələn beynəlxalq konfransların və tədbirlərin təşkilinə ev sahibliyi etməsi sübut edir ki, Azərbaycan dünyanın diqqət mərkəzindədir və dünyaya tövhə verən bir ölkə kimi tanınır. Vurğulanıb ki, milli dövlətçilik mövqeyindən bir addım da kənara çıxmayan dövlət siyasəti əminliklə özünün “Azərbaycan modeli”ni yaradaraq dünya ölkələrini də bu siyasətə, sülhə, dostluğa və qardaşlığa səsələyir. Qeyd edilib ki, Azərbaycan bu mövqeyindən gələcəkdə də hər zaman uğurla çıxış edəcəkdir.
Tarix
12 Mart 2018 [10:38]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin