ABŞ və Avropa arasında ticarət savaşı başlayıb.
"Ucnoqta.az" “Ölkə.Az”a istinadən xəbər verir ki, ABŞ prezidenti ABŞ-ın əsasən Almaniyadan idxal etdiyi polad və alüminiuma əlavə gömrük vergisinin tətbiq edilməsinə dair sərəncam imzalayıb. Kanada və Meksikadan idxal edilən məhsullara isə əlavə vergi tətbiq edilməyib. Bu səbəbdən Çin və Aİ reaksiya verib.
Avropa İttifaqı ABŞ-dan idxal edilən cins şalvar və yerfıstığı yağına gömrük vergisi tətbiq etmək üçün müzakirələrə hazırlaşır.
Tramp tərəfindən polada 25%, alüminiuma isə 10% vergi tətbiq ediləcək. Güclü polad və alüminium sənayesinin ABŞ-ın milli təhlükəsizliyi üçün önəmli olduğunu qeyd edən Tramp, ölkədə gücünü itirən bu sənayelərin qısa müddət ərzində canlandırılacağını və bu problemin həll ediləcəyini bildirib. Vergilər isə 15 gün ərzində tətbiq ediləcək.