“Respublika Narkoloji Mərkəzində baş verən yanğınla bağlı “Azərişıq” Açıq Səhmdar Cəmiyyəti (ASC) heç bir məsuliyyət daşımır”.
"Ucnoqta.az" xəbər verir ki, bunu “Ölkə.Az”a açıqlamasında “Azərişıq” ASC-nin mətbuat xidmətinin rəhbəri Tanrıverdi Mustafayev bildirib. T.Mustafayev deyib ki, Respublika Narkoloji Mərkəzində çıxan yanğın hadisəsi “Azərişıq” ASC-yə məxsus elektrik naqillərindən yaranmayıb:
“Yanğın hadisəsi Respublika Narkoloji Mərkəzinin binasının daxilində baş verib. Yanğının bizim elektrik xəttləri ilə heç bir əlaqəsi yoxdur. Buna görə də “Azərişıq” ASC heç bir məsuliyyət daşımır”.