Ana səhifə
21 İyun 2018

Narkoloji Mərkəzdə güclü yanğın - Ölən və yaralananlar var + Fotolar

Bakının Xətai rayonu ərazisində yanğın başlayıb.
 

"Ucnoqta.az" “Qafqazinfo”ya istinadən məlumat verir ki, Respublika Narkoloji Mərkəzinin binasında yanğın hadisəsi baş verib.

Hadisə yerinə Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq xilasetmə qüvvələri cəlb olunub. Yanğınsöndürmə işləri davam edir.

Əlavə məlumat veriləcək.

***

APA-nın məlumatına görə, Dispanserində yanğın zamanı 30-dan artıq pasiyent binadan çıxarılıb. Səhiyyə Nazirliyinin mətbuat xidmətindən bildirilib ki, yanğın zamanı xəsarət almış şəxslərdən üçü xəstəxanalara yerləşdirilib.
 
Hadisə yerinə 10-dək təcili tibbi yardım briqadası cəlb edilib. Hazırda yanğın zamanı ölənlərin olması dəqiqləşdirilir.

Hadisə yerinə fövqəladə hallar nazirinin müavini, general-leytenant Etibar Mirzəyev, Dövlət Yanğından Mühafizə Xidmətinin rəisi, general-mayor Füzuli Əsədov gəlib. Hazırda yanğının söndürülməsi istiqamətində tədbirlər davam etdirilir.  

 Yanğın xəstəxananın daimi yataq xəstələrin müalicə aldığı 2-ci şöbəsində baş verib.  Yanğın güclü olduğuna görə, hələlik binaya daxil olmaq  mümkünsüzdür. İçəridə xəstələrdən hansınınsa qalıb-qalmadığı binaya daxil olduqdan sonra bilinəcək. 

***

Hadisə nəticəsində 1 nəfərin həlak olduğu bildirilir.

***

FHN-in məlumatına görə, mərkəzdə baş verən yanğın məhdudlaşdırılıb. Yanğının yayılma təhlükəsi yoxdur. 

Tarix
2 Mart 2018 [09:45]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin