Ana səhifə
19 İyun 2018

Nəsirəddin Tusinin həyat və yaradıcılığına həsr olunan elmi konfrans keçirilib

AMEA Naxçıvan Bölməsinin Təbii Ehtiyatlar İnstitutunda böyük Azərbaycan alimi və mütəfəkkiri Nəsirəddin Tusinin həyat və yaradıcılığına həsr olunan elmi konfrans keçirilib.

AMEA Naxçıvan Bölməsinin İnformasiya şöbəsindən Ucnoqta.az-a verilən məlumata görə, tədbirdə bölmənin sədri, akademik İsmayıl Hacıyev çıxış edərək  Nəsirəddin Tusinin həyat və yaradıcılığından, alimin qiymətli əsərlərinin dünya elmindəki yeri və rolundan ətraflı bəhs edib. Qeyd edib ki, elmi astronomiya, riyaziyyat, fizika, həndəsə, fəlsəfə, pedaqogika, tibb, tarix, coğrafiya və digər sahələrdə əsərlər yaradan alimin zəngin yaradıcılığı ona dünya şöhrəti qazandırıb. İsmayıl Hacıyev Nəsirəddin Tusinin təsis etdiyi Marağa Rəsədxanası nüfuzlu elm mərkəzi kimi təkcə Şərqdə ölkələrində yox, bütün dünyada tanındığını söyləyib: “Marağa Rəsədxanası qısa müddətdə astronomiya cihazlarına və 400 min nəşrin olduğu kitabxanaya malik böyük elmi mərkəzə çevrilib, orada elmin müxtəlif sahələrinə aid qiymətli əsərlər yazılıb”.

Daha sonra Bölmənin Batabat Astrofizika Rəsədxanasının direktoru, fizika-riyaziyyat üzrə fəlsəfə doktoru Qulu Həziyevin “Nəsirəddin Tusinin həyatı, fəaliyyəti və elmi irsi”, Təbii Ehtiyatlar İnstitutunun Elmi işlər üzrə direktor müavini, kimya üzrə elmlər doktoru Bayram Rzayevin “Nəsirəddin Tusi: elmi alim yaradır”, Batabat Astrofizika Rəsədxanasının şöbəsinin müdiri, fizika-riyaziyyat üzrə fəlsəfə doktoru, dosent Azad Məmmədlinin “Nəsirəddin Tusinin “Təhriri-Öqlidis” əsəri”, Əlyazmalar Fondunun şöbə müdiri, filologiya üzrə fəlsəfə doktoru, dosent Səbuhi İbrahimovun “Nəsirəddin Tusinin ədəbi-fəlsəfi irsi” və Batabat Astrofizika Rəsədxanasının elmi işçisi Ruslan Məmmədovun “Nəsirəddin Tusi və Marağa rəsədxanası” mövzusunda məruzələri dinlənilib. 
 

 

Tarix
20 Fevral 2018 [16:34]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin