Ana səhifə
21 İyun 2018

İranlı güləşçi 6 ay müddətinə diskvalifikasiya edilib

İranlı güləşçi Alireza Kərimi 6 ay müddətinə diskvalifikasiya edilib.

 

"Ucnoqta.az" "Report"a istinadən bidirir ki, bu barədə Dünya Güləş Birliyinin (UWW) İntizam Komitəsi qərar verib.

 

Kərimi 2017-ci ildə Polşanın Bıdqoş şəhərində 23 yaşadək güləşçilər arasındakı dünya çempionatında israilli rəqiblə üz-üzə gəlməməkdən ötrü qəsdən uduzduğu üçün cəzalandırılıb. Onunla yanaşı, şəxsi məşqçisi Həmidrza Cəmşidi 2 il müddətinə bütün yarışlardan kənarlaşdırılıb.

 

Həmin mundialda 86 kq çəki dərəcəsində çıxış etmiş sərbəst güləşçinin 1/4 finalda rusiyalı Əlixan Cəbrayılova uduzması araşdırılıb. Müəyyən edilib ki, Cəmşidi ikiqat Asiya çempionu və dünya çempionatının bürünc mükafatçısı olan yetirməsinə Cəbrayılova uduzması üçün göstəriş verib. Halbuki Kərimi qalib gəlsəydi, yarımfinalda israilli Uri Kalaşnikovla qarşılaşacaqdı. İranlı məşqçi və güləşçi UWW-nin İntizam Kodeksini birbaşa pozmaqda günahkar bilinib.

 

Kərimi İran mətbuatına açıqlamasında məşqçisindən göstəriş aldığını təsdiqləyib: "Cəbrayılovla görüşdə 3:2 hesabı ilə irəlidə idim. Bu zaman məşqçim mənə qəsdən məğlub olmağı söylədi. Həmin an mənim üçün dünyanın sonu yetişdi. Dünya çempionu olmaq üçün aylarla çalışmışdım. Dünya çempionluğu hər birimiz üçün yeganə xoşbəxtlikdir".

 

İran hökuməti isə 24 yaşlı güləşçini qürur mənbəyi adlandırıb. İran Güləş Federasiyası da onu qəhrəman kimi təqdim edib. Öz növbəsində, Kərimi onun addımını yüksək dəyərləndirən ölkə rəhbərliyinə minnətdarlığını bildirib.

Tarix
17 Fevral 2018 [12:51]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin