Ana səhifə
24 May 2018

Suriyada Türkiyənin daha bir hərbçisi şəhid olub

Suriyanın İdlib bölgəsində müşahidə məntəqəsinə hücum nəticəsində Türkiyənin bir hərbçisi şəhid olub.

 

"Ucnoqta.az" “Report”a istinadən xəbər verir ki, məlumatı Türkiyə Silahlı Qüvvələrinin Baş Qərargahı yayıb.

 

Qeyd edək ki, 2017-ci il oktyabrın 9-da Türkiyə ordusu İdlib əyalətinə daxil olub. Onlar Qazaxıstanın paytaxtı Astana şəhərində üç təminatçı dövlət - Türkiyə, İran və Rusiya arasında əldə edilən razılaşmaya uyğun olaraq İdlibə giriblər. Astanada baş tutan altıncı görüşdə əyalət münaqişəsiz bölgə elan edilib.

 

Təminatçı üç dövlətin səlahiyyət verdiyi müşahidəçilər münaqişəsiz bölgələrə nəzarət edəcəklər. Onların əsas vəzifələri Bəşşar Əsəd rejimi ilə müxalif qüvvələr arasında atışmanın qarşısını almaqdır. Türkiyə, İran və Rusiyanın hər biri bölgəyə 500 müşahidəçi göndərəcək. Türkiyə hərbçiləri İdlibin daxilinin, Rusiya isə ətrafının təhlükəsizliyini təmin edəcək.

 

2017-ci ilin dekabrında Suriyadakı rejimin başçısı Bəşşar Əsədə bağlı silahlılar İdlibdə Türkiyə hərbçilərinin yerləşdiyi əraziləri bombalamışdı. Türkiyə hadisə ilə bağlı İran və Rusiyaya etirazını bildirmişdi.

Tarix
6 Fevral 2018 [10:29]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin