Qəza zamanı azyaşlı elə hadisə yerindəcə keçinib
Sumqayıt şəhərində məktəbdən çıxan ana və övladını maşın vurub, uşaq ölüb. Ucnoqta.az "Report"a istinadən xəbər verir ki, hadisə şəhərin 12-ci mikrorayonunda, 21 nömrəli tam orta məktəbin qarşısında baş verib.
Belə ki, 39 yaşlı Bəsdi Tanrıverdiyeva və 8 yaşlı qızı Fidan Tanrıverdiyeva Sumqayıt şəhər 21 nömrəli məktəbdən çıxarkən onları avtomobil vurub.
Qəza zamanı azyaşlı elə hadisə yerindəcə keçinib. Yaralı ana dərhal Sumqayıt Şəhər Təcili Tibbi Yardım Xəstəxanasına çatdırılıb. Reanimasiya şöbəsinə yerləşdirilən xəstənin vəziyyətinin ağır olduğu bildirilir.
Hadisədən sonra sürücü saxlanılaraq məsuliyyətə cəlb olunub.
Faktla bağlı araşdırma aparılır.