AŞPA-nın yeni prezidenti məlum olub

14:49 - 22 Yanvar 2018 - Xəbər

İtaliyalı deputat Mikele Nikoletti Avropa Şurası Parlament Assambleyasının (AŞPA) yeni prezidenti postuna təsdiq edilib.

"Ucnoqta.az" "Report"a istinadən xəbər verir ki, M.Nikoletti bu posta AŞPA-nın bu gün Strasburqda keçirilən qış sessiyasında təsdiq edilib.

Xatırladaq ki, o, bu vəzifəyə yeganə namizəd idi.

M.Nikolleti 2013-cü ildən bəri Parlament Assambleyasının üzvüdür, 2014-cü ildən AŞPA-da İtaliyanın nümayəndə heyətinə rəhbərlik edir, 2016-cı ildən isə Sosialistlər Qrupunun rəhbəridir.


Qeyd edək ki, ötən il oktyabrın 6-da Pedro Aqramunt sağlamlığı ilə əlaqədar AŞPA prezidenti vəzifəsindən könüllü istefasını açıqlayıb.

Xəbər xətti