Ana səhifə
18 Noyabr 2018

Azərbaycan millsinin üzvü “Ayntraxt”dan ayrılır?

Azərbaycan yığmasının hücumçusu Renat Dadaşov komandasını dəyişə bilər.

"Ucnoqta.az" xəbər verir ki, bu barədə Almaniya mətbuatı məlumat yayıb.  
 

Frankfurt “Ayntraxt”ının U-19 komandasının üzvü olan Renatın “Halleşer”ə keçidi gündəmdədi. III Bundesliqa təmsilçisi 18 yaşlı soydaşımızı heyətinə qatmaqda maraqlıdı. Tərəflər arasında danışığın müsbət nəticələnəcəyi və "Halleşer"in Dadaşovun transferini yaxın günlərdə rəsmən bəyan edəcəyi bildirilir. Keçid baş tutsa, millimizin üzvü yeni komandasında icarə əsasında oynayacaq.

 
Lakin klubun direktoru Fredi Bobiç yayılan məlumatı təkzib edib. O, məsələ barədə məlumatının olmadığını bildirib: "Halleşer" məsələsindən məlumatsızam. Əsas odur ki, Ranatı asanlıqla əldən verməyək. Onun qeyri-adi keyfiyyətləri var".

 
Klub rəsmisi millimizin forvardını intizamsızlıqda təqsirli bilib. Bobiç bildirib ki, fasilə dönəmində proqrama əməl etmədiyi üçün Dadaşovun fiziki durumu zəifləyib. O, yığma üzvünün peşəkar davranmadığını vurğulayıb: "Peşəkar müqavilə çox yaxşı və xoşdur. Lakin ona əməl etmək lazımdır. Bu sözləşməni imzalayan futbolçu peşəkar davranmalıdır. Dadaşov isə qış fasiləsindən sonra komandaya artıq çəki ilə qayıdıb".

 
Qeyd edək ki, Renat Dadaşov "Ayntaxt"ın əsas komandası ilə birgə İspaniya toplanışına aparılmayıb. 









//Qafqazinfo//

Tarix
4 Yanvar 2018 [11:21]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin