Nyu-Yorkda BMT-də baş tutacaq Qüds səsverməsinə saatlar qaldığı bir vaxtda İsrailin baş naziri Binyamin Netanyahu sərt açıqlama verib.
Ucnoqta.az “Qafqazinfo”ya istinadən xəbər verir ki, Netanyahu BMT-ni “yalanlar evi” adlandırıb:
“İsrail dövləti bu səsverməni tamamilə rədd edir. Qüds bizim paytaxtımızdır və buradakı inşamıza davam edəcəyik. Xarici səfirliklər ABŞ başda olmaqla Qüdsə köçürüləcək. Bu, baş verəcək!”
İsrailin BMT-dəki daimi təmsilçisi Dannon isə bildirib ki, beynəlxalq quruluşların təsdiqinə ehtiyacları yoxdur.
Qeyd edək ki, əgər Qüdslə bağlı layihə qəbul edilərsə bu, ABŞ-la digər ölkələri qarşı-qarşıya qoya bilər. Belə ki, səsvermə prezident Trampın Qüdsü İsrailin paytaxtı kimi tanıyan qərarını ləğv edəcək. Prezident Tramp isə onun qərarının əleyhinə səs verəcək ölkələrə maliyyə yardımını dayandıracağını elan edib.