Suriyada 50 rus qadın və uşaq tapılıb

21:56 - 21 Dekabr 2017 - DÜNYA

Suriyada 50 Rusiyadan gələn qadın və uşaq tapılıb.

Ucnoqta.az “Ölkə.Az”a istinadən xəbər verir ki, bu barədə yerli mətbuat məlumat yayıb. Verilən məlumata görə, tapılan qadın və uşaqlar dağılmış ailələrin üzvlərindən olub.

“Suriyadan 50 rus qadın və uşaq tapılıb. Onların çoxu çeçendir. Qadınların ərləri, uşaqların isə valideynləri terrorçular tərəfindən qətlə yetirilib. Onların Dağıstana göndərilməsi istiqamətində işlər görülür”, - deyə məlumatda bildirilib.

Qeyd edək ki, bir müddət əvvəl Çeçenistan rəhbəri Ramzan Kadırov Suriya və İraqın qaynar nöqtələrindən qalan qadın və uşaqların qaytarılması ilə bağlı lazım olan köməkliyi göstərəcəyini bildirib. R.Kadırov söz verib ki, döyüş meydanında qalan Rusiya vətəndaşlarına yardım edəcək. Onun sözlərinə görə, bazar ertəsi bir qrup rus Qrozniya gətirilib. Onların sayı 41 nəfərdir. Onlardan 12 nəfəri qadındır.

“Biz ötən gün 48 nəfəri Suriya və İraqdan gətirdik. Beləliklə onların sayı 89 nəfərə çatdı. Biz Suriya və İraqda qalan ruslara sona qədər yardım edəcəyik”, - deyə R.Kadırov bildirib.

Xəbər xətti