Ana səhifə
19 Dekabr 2017

Milli Kulinariya Mərkəzinin prezidenti: "Azərbaycanda 356 dolma növü var"

 "Azərbaycanın rayonlarından, kəndlərindən insanlar bizə 356 dolma resepti təqdim edib".

Ucnoqta.az "Report"a istinadən xəbər verir ki, bunu Azərbaycanın Milli Kulinariya Mərkəzinin prezidenti Tahir Əmiraslanov deyib.
O bildirib ki, birinci dolma fesfivalına qədər Azərbaycanda 20-30 dolma növü olduğu güman edilirdi: "Əlbəttə, dolmanın icmalarda daimi bişirilən, yalnız ailələrdə hazırlanan və bəzi rayonlara aid olan növləri var".

T.Əmiraslanovun sözlərinə görə, indiyə qədər ümumilikdə Azərbaycan mətbəxinə aid 4 minə yaxın ayrı-ayrı xörək növləri müəyyənləşib və onlarla bağlı məlumatlar toplanılıb.

O, bir neçə il əvvəl yemək sahəsində patentləşdirmə ilə bağlı Patent və Əmtəə Nişanları Mərkəzinə müraciət etdiklərini bildirib: "İlk olaraq ləvəngini, qutabı yeni bir məhsul kimi patentləşdirdik. Bu il təcrübə üçün pilot layihə kimi 10 dolma növünü ərazi üzrə patentləşdirilməsi üçün sənədləri təqdim etmişik. Bunun üçün alimlərdən, mütəxəssislərdən ibarət yeni komissiya yaradılıb. Bu patentin maliyyəsini Mədəniyyət və Turizm Nazirliyi ödəyir. Bu sahədə ölkədə böyük işlər gedir. Biz artıq topladığımız bəzi nümunələri modernləşdirilib restoran biznesinə gətirmişik".

Tarix
6 Dekabr 2017 [21:39]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ