Ana səhifə
15 Noyabr 2018

İsmayıllıda körpü uçub, avtomobil su arxına düşüb- FOTO

İsmayıllıda dağılan körpü avtomobil qəzasına səbəb olub.  Hadisə bu gün günorta saatlarında İsmayıllı şəhərinin Soltan Mehdiyev küçəsində baş verib.
Rayonun Basqal qəsəbə sakini Cəbrayılov Nuru Ağaabdulla oğlu idarə etdiyi 99-HE-812 dövlət nömrə nişanlı “Mercedes” markalı minik avtomobili ilə yoldakı körpünün üzərindən keçərkən qəflətən körpünün bir hissəsi dağılıb və avtomobil su arxına düşüb. Hadisə nəticəsində avtomobil əzilsə də, sürücü və sərnişini - həyat yoldaşı xəsarət almayıb.
Hadisə şahidləri Şaiq Həsənov və İlkin Fətullayev APA-ya bildiriblər ki, bir neçə il öncə yerli sakinlər tərəfindən kustar üsulla inşa edilən bu körpü qəzalı vəziyyətə düşdüyü üçün təhlükə mənbəyinə çevrilib. Yerli sakinlər İsmayıllı şəhəri ilə yeni salınan yaşayış məntəqəsini birləşdirən avtomobil yolunun üzərində yerləşən və bərbad vəziyyətdə olan bu körpünün sökülərək əvəzində yenisinin inşası üçün dəfələrlə aidiyyəti qurumlara müraciət ediblər. Buna baxmayaraq vaxtında tədbir görülməyib və nəticədə körpü dağılaraq avtomobil qəzası baş verib.

 
Faktla bağlı İsmayıllı rayon Polis Şöbəsi tərəfindən araşdırma aparılır. 

Tarix
10 Noyabr 2017 [15:51]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin