Azərbaycanda II Beynəlxalq Dolma Festivalı keçiriləcək

15:08 - 10 İyul 2017 - Mədəniyyət

Azərbaycanda II Beynəlxalq Dolma Festivalı keçiriləcək. Festival Mədəniyyət və Turizm Nazirliyi, Xaçmaz rayon İcra Hakimiyyəti, Azərbaycan Milli Kulinariya Mərkəzi, Azərbaycan Milli Kulinariya Assosiasiyasının təşkilatçılığı ilə Xaçmaz rayonunda təşkil olunacaq.
II Beynəlxalq Dolma Festivalında respublikanın 40-a yaxın bölgəsi tərəfindən qədim Azərbaycan milli mətbəxinə aid olan 300-dən çox dolma təqdim olunacaq. Eyni zamanda, festivalda Azərbaycanda fəaliyət göstərən diplomatik nümayəndəliklər (səfirliklər) tərəfindən hər ölkənin ənənələrinə uyğun xörəklərin sərgisi olacaq.
Tədbirdə Milli Məclis üzvləri, ictimai, siyasi xadimlər, nazirliklərin və dövlət qurumlarının nümayəndələri, diplomatik nümayəndəliklər iştirak edəcəklər.

Festivalın açılışı iyulun 15-də Xaçmaz şəhəri "Çənlibel" parkında keçiriləcək.trend

Xəbər xətti