Ana səhifə
22 Sentyabr 2018

Bahar Muradova: "Azərbaycan-Rusiya münasibətləri ikitərəfli strateji əməkdaşlıq səviyyəsindədir"

Milli Məclisin vitse-spikeri Bahar Muradova Ümumrusiya Azərbaycanlıları Konqresinin (ÜAK) ləğv olunması ilə əlaqədar Rusiya-Azərbaycan münasibətlərinin gərginləşməsi haqqında şərhlərə münasibət bildirib.Trend-in məlumatına görə, B.Muradova jurnalistlərə deyib ki, son dövrlər Rusiya-Azərbaycan münasibətlərinin gərginləşməsi barədə şərhlər verilir, ancaq bu, doğru deyil.
Vitse-spiker qeyd edib ki, Azərbaycan-Rusiya münasibətləri ikitərəfli strateji əməkdaşlıq səviyyəsindədir:
"Biz bu münasibətlərin bütün parametrləri üzrə tərəflərin öz öhdəliklərini daima yerinə yetirdiyinin şahidiyik. Azərbaycan üzərinə düşən vəzifəni yerinə yetirdiyi kimi, Rusiyadan da buna adekvat addım atmağı hər zaman gözləyir. Düşünürəm ki, bu günə qədər münasibətlərimizdə elə ciddi problem olmayıb. Münasibətlərin gərginləşməsi barədə şərhlərə rəvac verən hadisəyə - Ümumrusiya Azərbaycanlıları Konqresinin qeydiyyatının ləğvinə gəlincə, məsələ yalnız hüquqi müstəvidə həll olunmalıdır. Bundan kənar siyasi dividend güdməyə yönəlmiş şərhlər verilməsi həqiqətən də münasibətləri gərginləşdirmək yolunda problemlər yarada bilər. Azərbaycanın müvafiq dövlət qurumları, parlamenti, cəmiyyəti, vətəndaş cəmiyyətinin nümayəndələri və mətbuat bu məsələnin məhz hüquq çərçivəsində həll olunmasını gözləməlidirlər".
B.Muradova bildirib ki, Rusiyada yaşayan azərbaycanlıların əksəriyyəti Rusiya vətəndaşlarıdır:
"ÜAK da Rusiya vətəndaşı olan azərbaycanlıların Rusiya qanunlarına əsasən yaradılmış təşkilatıdır. Hesab edirəm ki, hansı etnik-milli qrupa mənsub olmasından asılı olmayaraq, hər kəs öz vətəndaş hüquqlarını, vəzifələrini yeninə yetirməlidir. Onların hüquqları tanınmalı və onlar da vəzifələrini yerinə yetirməlidirlər".
Qeyd edək ki, mayın 15-də Rusiya Ədliyyə Nazirliyinin təqdimatına əsasən Rusiya Ali Məhkəməsi ÜAK-ın qeydiyyatını ləğv edib.

Tarix
9 İyun 2017 [11:32]
Müəllif
Üç nöqtə
Digər xəbərlər
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin