Şənbə gecəsi Türkiyənin Tv8 telekanalında "3 Adam" verilişinin növbəti buraxlışı yayımlanıb. Verilişin əvəzolunmaz hissələrindən birinə çevrilən "tamaşaçı məktubu"nu oxuyan aparıcı Əsər Yenenler şok edən bir qeydlə qarşılaşıb. Tamaşaçıların məktublarının toplandığı qutunun içərisindən çıxan məktubda adını qeyd etməyən şəxs tərəfindən ona "Əsər, kasetin mənim əlimdə" qeydli məktub gəlib. Yazılanları hər kəsin qarşısında oxumaq məcburiyyətində qalan aparıcı təəccüb və çaş-baş halda bunları deyib: "Mənim nə kasetimdir axı? Mənim elə bir kasetim yoxdur. Buna əminəm". Qeyd edək ki, iki gün öncə şişman aparıcı müğənni dostu Murat Bozla gecə saatlarında evinə 3 qız apararkən görüntülənib.(milli.az)