Ana səhifə
19 Dekabr 2018

Əflatun Amaşovdan Mariya Zaxarovaya etiraz: "Mariya Zaxarova yaxşı bilir ki, ..."

"Rusiya Xarici İşlər Nazirliyinin sözçüsü Mariya Zaxarova özünün başladığı missiyanı unudaraq jurnalistə qarşı kifayət qədər qeyri-etik, peşə davranışlarına sığışmayan münasibət sərgiləyib". Ucnoqta.az xəbər verir ki, bunu AzVision.az-a Mətbuat Şurasının sədri, deputat Əflatun Amaşov deyib.
Onun sözlərinə görə, Zaxarova vəzifəsindən irəli gələrək jurnalisti dinləməli, suallara aydınlıq gətirməli və cavablandırmalıdır. 

“Çox təəssüf ki, Mariya Zaxarova belə etməyib və əksinə qarşı tərəfi heç bir çərçivəyə sığmayan dərəcədə, onun simasında böyük ölkənin jurnalistlərinə qara yaxıb və onları təhqir edib. Mariya Zaxarova yəqin ki, bu hadisələrin səbəblərini yaxşı bilir. Yaxşı bilir ki, Dilqəm Əsgərov və Şahbaz Quliyev nəyə görə həmin yerlərdə olub. Mariya Zaxarova yaxşı bilir ki, onların üzərlərində qurulan məhkəmə nə dərəcədə ədalətlidir. Mariya Zaxarova yaxşı bilir ki, Lapşinlə bağlı məsələlər nə üçün gündəmdədir, Dilqəmlə bağlı məsələlərə nəyə görə soyuq yanaşılır”.

Ə.Amaşov qeyd edib ki, Zaxarovanın bir ölkəni təmsil edən jurnalisti təhqir etməsi heç bir çərçivəyə sığmır. “Mariya Zaxarova təmsil etdiyi ölkə ilə jurnalistin təmsil etdiyi ölkə arasında əlaqələri arxa plana atır və heç bir mətbuat katibinə yaraşmayan münasibət sərgiləyir. Mətbuat Şurası bununla bağlı öz münasibətini bildirəcək. Rusiya ilə qonşu dövlətik. Bizim aramızda münasibətlər kifayət qədər yüksəkdir və çalışmalıyıq ki, bu münasibətləri daha da yüksəldək, inkişaf etdirək”.

Qeyd edək ki, Rusiya Xarici İşlər Nazirliyinin rəsmi nümayəndəsi Mariya Zaxarova ötən gün keçirdiyi brifinqdə Azərbaycan jurnalistlərini təhqir edib.    

Tarix
28 Aprel 2017 [11:44]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin