Ana səhifə
24 Sentyabr 2018

“Şərq ulduzları” bu dəfə Amerikada təqdim ediləcək

İstedadlı prodüser, yazar, ssenarist Sevinc Səfərova “Şərq ulduzları” layihəsini beynəlxalq səviyyədə təqdim edəcək.  2012-ci ildə Azərbaycanda analoqu olmayan “Şərq ulduzu” telelayihəsinə imza atan S.Səfərova indi bu layihəni daha geniş şəkildə təqdim etmək niyyətindədir. S.Səfərova açıqlamasında bildirdi ki, “Şərq ulduzları” layihəsi böyük bir realiti-şou olacaq və türk dünyasını əhatə edəcək: “Bu layihədə Şərq ölkələrindən seçilən uşaqlar çıxış edəcək. Layihədə bu ölkələrdə yaşayan dinindən, dilindən asılı olmayaraq səsi olan hər bir uşaq iştirak edə biləcək. 5 il əvvəl bölgələrimizdən səsi və istedadı olan uşaqları ətrafımıza toplayıb belə bir layihə keçirmişdim. Sözügedən  layihəni etməkdə məqsədim aztəminatlı, maddi cəhətdən çətinlik çəkən, kasıb, lakin istedadı olan uşaqları bir araya toplayıb onları ölkəmizə tanıtmaq idi. Bunun üçün 54 rayona getdik. Uzun sürən seçim turlarından sonra uşaqları yığıb, paytaxta gətirdik. Biz bir növ o uşaqlara tanınmaq üçün vasitəçi olduq. Bu gün o uşaqların uğurlarını görəndə, həqiqətən də çox sevinirəm”.

Prodüser bildirdi ki, layihə üçün Hindistanda, Birləşmiş Ərəb Əmirliklərində və digər Şərq ölkələrində seçim turları edəcəklər. Layihənin məqsədi dünyaya dostluq, sülh mesajları ötürmək olacaq.  
Qeyd edək ki, sözügedən layihənin yekunu 2017-ci ilin sonuna planlaşdırılır. 

 

 

Tarix
18 Aprel 2017 [14:04]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin