Almaniyanın Köln şəhərində Xocalı soyqrımının 25-ci il dönümü ilə bağlı tədbir keçirilib. Bu barədə məlumatı Modern.az-a Almanyaniyada yaşayan diaspor nümayəndəsi, Azərbaycanlı iş adamı Toğrul Əziz verib. O, bildirib ki, Kölndə yaşayan azərbaycanlılar bir yerə toplaşaraq Xocalıya ədalət istəyiblər. Tədbir çərçivəsində jurnalist Elşad Eyvazlının “Böyüməyən uşaqlar” kitabı 1000 tiraj çap edilərək insanlara paylanılıb.
Qeyd edək ki, “Böyüməyən uşaqlar” kitabı 2 il öncə “Xocalıya ədalət” kampaniyası çərçivəsində 3000 tirajla Almaniyada çap edilib. Bu il əlavə 1000 kitab çap edilib.
