Əli Əhmədov: "Beynəlxalq təşkilatlar Dağlıq Qarabağda "referendum"u tanımayacaqlar"

Beynəlxalq təşkilatlar Dağlıq Qarabağda qanunsuz "referendum"u tanımayacaqlar. Bunu jurnalistlərə Baş nazirin müavini Əli Əhmədov deyib.
Ə.Əhmədov qeyd edib: "Həqiqət ondan ibarətdir ki, bütün dünya, beynəlxalq qurumlar birmənalı şəkildə dərk edirlər ki, Dağlıq Qarabağ Azərbaycanın ayrılmaz tərkib hissəsidir və bu, müvafiq qətnamələrdə də öz əksini tapıb. Problemin bu günə qəqər həll olunması bu yanaşmanın dəyişməsi anlamına gətirmir. Beynəlxalq təşkilatlar da bu qənaətdədirlər, Azərbaycan dövləti və Azərbaycan xalqı da qəti şəkildə Dağlıq Qarabağla bağlı öz mövqeyini ortaya qoyub. Prezident İlham Əliyevin də dəfələrlə qeyd etdiyi kimi, heç bir halda Azərbaycan ərazisində ikinci bir erməni dövlətinin yaradılmasına imkan verməyəcəyik. Heç bir qarış torpağımız Azərbaycan ərazisindən qoparılıb ayrıla bilməz".

Baş nazirin müavini vurğulayıb ki, Dağlıq Qarabağın müstəqilliyi, Azərbaycandan ayrılması müzakirə mövzusu deyil, olmayıb və olmayacaq:

"O ki qaldı, ermənilərin "referendum" keçirməsinə, bunun bütövlükdə problemin həll olunmasına, Dağlıq Qarabağın Azərbaycana aid olub-olmaması məsələsinə elə bir aidiyyəti yoxdur. Təbii ki, Azərbaycan dövləti, xalqı belə bir "referendum"u tanımır, tanımayacaq. Beynəlxalq təşkilatlar, Ermənistan-Azərbaycan, Dağlıq Qarabağ münaqişəsinin həlli ilə məşğul olan qurumlar bu "referendum"u və onun nəticələrini tanımayacaqlar. Beləliklə, bu "referendum" və onun nəticələri Azərbaycanın Dağlıq Qarabağ və digər işğal olunmuş əraziləri ilə bağlı mövqeyinə hər hansı təsir göstərməyəcək. Bu, sadəcə olaraq münaqişənin nizamlanması ilə bağlı aparılan işlərin müəyyən qədər çətinliyə salınması məqsədilə Ermənistan tərəfindən törədilən təxribatlardan biri kimi qiymətləndirilə bilər".trend

Tarix
16 Fevral [12:44]
Müəllif
Leyla Əliyeva
Digər xəbərlər

Oqtay Əsədov MDB PA-nın medalına layiq görülüb

Rusiya Ermənistanı yeni əllərə verir - İş başına "milyarderlər qrupu" keçir

Azərbaycan Londonda törədilmiş terror aktını pisləyir

Niyə ermənilər Novruzu qeyd etmirlər?

Elmar Məmmədyarov Argentinanın sabiq vitse-prezidentini qəbul edib

Yunanıstan səfiri Azərbaycan XİN-ə çağırılıb

Latviya prezidenti: “Münaqişələr sülh, beynəlxalq hüquq və ərazi bütövlüyü çərçivəsində həll olunmalıdır”

XİN: "Polad Bülbüloğlunun bu vəzifənin öhdəsindən layiqincə gələcəyinə inanırıq"

"Bu addım insan hüquq və azadlıqlarına, beynəlxalq hüquqa ziddir”

Ziyafət Əsgərov: Türkiyəli nazirlərin Niderlanda buraxılmaması beynəlxalq hüquqa hörmətsizlikdir

Xəbər xətti
Çox oxunanlar
Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.