Ana səhifə
17 Oktyabr 2018

Ziyafət Əsgərov: "Aleksandr Lapşinin Azərbaycana ekstradisiyası beynəlxalq hüquqa əsaslanır"

Bir neçə dövlətin vətəndaşlığını daşıyan Aleksandr Lapşin Azərbaycanın qanunlarını pozaraq işğal altında olan ərazilərə səfər edib, qanunsuz rejimin beynəlxalq səviyyədə təbliğini aparmağa çalışıb, Azərbaycanın beynəlxalq səviyyədə tanınmış ərazi bütövlüyünə qarşı açıq çağırışlar edib.Ucnoqta.az AzərTac-a istinadən xəbər verir ki, bu sözləri Aleksandr Lapşinin Azərbaycana ekstradisiyası ilə bağlı fikirlərini bölüşən Milli Məclis sədrinin birinci müavini, müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov deyib.
Bildirib ki, A.Lapşin Azərbaycan Cinayət Məcəlləsinin iki maddəsi ilə ittiham olunur. Yəni, Baş Prokurorluğun ağır cinayətlərə dair işlər üzrə İstintaq İdarəsində Azərbaycan Respublikası Cinayət Məcəlləsinin 281.2-ci (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi başlanıb. Bu məsələni siyasiləşdirməyə ehtiyac yoxdur. Söhbət tam hüquqi müstəvidə ikitərkibli cinayət törətmiş bir şəxsin cinayət məsuliyyətinə cəlb olunmasından gedir. “Birincisi Avropa Şurasının “Ekstradisiya” haqqında 1957-ci il 13 dekabr tarixində Parisdə qəbul olunmuş Konvensiyası var. Azərbaycan bu konvensiyanın üzvüdür. Bu konvensiyanın 6-cı maddəsinə görə də Azərbaycanın həm öhdəlikləri, həm də hüququ var ki, onun ərazisində cinayət törətmiş şəxsi harada olmasından asılı olmayaraq tələb etsin. İkincisi Müstəqil Dövlətlər Birliyinin 1993-cü il də imzalanmış “Mülki ailə və cinayət işləri üzrə münasibətlər haqqında konvensiyasına görə, dövlətlər Müstəqil Dövlətlər Birliyinin hər hansı birinin ərazisində cinayət törətmiş şəxsin digər dövlətə ekstradisiyası haqqında üzərlərinə öhdəlik götürürlər. 2002-ci ildə imzalanmış və 2004-cü ildə qüvvəyə minmiş Kişinyov Konvensiyasında da dövlətlər eyni öhdəliyi üzərlərinə götürürlər. Eyni zamanda, Azərbaycan Respublikasının milli qanunvericiliyi var. 2001-ci ildə biz “ekstradisiya haqqında” qanun qəbul etmişik. Bu qədər hüquqi sənədlər var. Azərbaycan bu sənədlərə əsaslanaraq Belarus Respublikasının mühafizə orqanlarına müraciət edib. Onlar da Beynəlxalq hüququn fundamental prinsiplərinə hörmət edərək Azərbaycanın bu müraciətini yerinə yetiriblər. Bu məsələnin kökü, mahiyyəti beynəlxalq hüquqa əsaslanır”, - deyə Ziyafət Əsgərov vurğulayıb.
Komitə sədri qeyd edib ki, Azərbaycan beynəlxalq hüquqa hörmət edən güclü dövlətdir. A.Lapşinin ekstradisiyası Azərbaycan Prezidenti İlham Əliyevin yürütdüyü xarici siyasətin və diplomatiyamızın parlaq uğurudur.

Tarix
9 Fevral 2017 [14:34]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin