Yük avtomobili istehsalı iki dəfəyə yaxın artıb - Azərbaycanda

11:50 - 25 Yanvar 2017 - İQTİSADİYYAT

2016-cı ildə Azərbaycanda 709 yük avtomobili istehsal olunub. Bu, 2015-ci ilin göstəricisindən 1,8 dəfə çoxdur. Bu barədə Dövlət Statistika Komitəsinin hesabatında bildirilir. Ötən il Azərbaycanda 1034 traktor, 270 minik avtomobili istehsal olunub. Bu rəqəmlər 2015-ci ildə qeydə alınan göstəricidən müvafiq olaraq 8,3 və 62,8 faiz çoxdur.

Eyni zamanda ötən il ölkədə xüsusi təyinatlı kommunal avtomobillərin istehsalı 2,3 dəfə artaraq 1557 ədəd təşkil edib. 2016-cı ildə Azərbaycanda 143 yük daşımaları üçün qoşqu və yarımqoşqu istehsal olunub ki, bu da bir il əvvəlki göstəricidən 53,4 faiz azdır. 

Xəbər xətti