Nardaran Ağsaqqallar Şurasının sədrinin cinayət işi icraata verilib

 Dövlətə xəyanət etməkdə təqsirləndirilən Nardaran Ağsaqqallar Şurasının sədri Natiq Kərimov və Azərbaycan İslam Partiyasının sabiq sədr müavini İnqilab Əhədovun cinayət işi üzrə məhkəməyə sədrlik edəcək hakimin adı açıqlanıb. "Report"un xəbərinə görə, iş Bakı Ağır Cinayətlər Məhkəməsinin hakimi Əhməd Quliyevin icraatına verilib.
Məhkəmənin tarixi hələlik məlum deyil.
Qeyd edək ki, Dövlət Təhlükəsizliyi Xidmətinin (DTX) ötən il həyata keçirdiyi istintaq-əməliyyat tədbirlərinin nəticələrinə əsasən, Azərbaycan Respublikasının vətəndaşı, Bakı şəhəri, Sabunçu rayonunun Nardaran qəsəbə sakini Kərimov Natiq Əlövsət oğlunun xarici xüsusi xidmət orqanı əməkdaşları tərəfindən məxfi əməkdaşlığa cəlb edilərək uzun müddət həmin orqan tərəfindən verilən tapşırıqları yerinə yetirməsi, Azərbaycanın dövlət təhlükəsizliyi zərərinə casusluq edərək dövlətə xəyanət etməsinə dair əsaslı şübhələr müəyyən olunub.
Bununla əlaqədar N.Kərimov DTX-nin İstintaq Baş İdarəsi tərəfindən aparılan cinayət işi üzrə şübhəli şəxs qismində tutularaq 2016-cı il yanvarın 7-də Cinayət Məcəlləsinin 274-cü (dövlətə xəyanət) maddəsilə təqsirləndirilən şəxs qismində istintaqa cəlb edilib. Səbail Rayon Məhkəməsinin qərarı ilə onun barəsində dörd ay müddətinə həbs qətimkan tədbiri seçilib.
Yanvarın 19-da isə Səbail Rayon Məhkəməsinin qərarı ilə N.Kərimovun barəsində seçilmiş həbs qətimkan tədbiri ev dustaqlığı ilə əvəzlənib.
DTX-nın həyata keçirdiyi digər istintaq-əməliyyat tədbirləri nəticəsində Azərbaycan Respublikasının vətəndaşı Əhədov İnqilab Xəlil oğlunun xarici xüsusi xidmət orqanı əməkdaşları tərəfindən məxfi əməkdaşlığa cəlb edilərək 2011-ci ildən etibarən mütəmadi olaraq həmin orqan tərəfindən verilən tapşırıqları yerinə yetirməsi və Azərbaycan Respublikasının dövlət təhlükəsizliyi zərərinə casusluq edərək dövlətə xəyanət etməsinə əsaslı şübhələr müəyyən edilib.
Bununla əlaqədar İ.Əhədov DTX-nın İstintaq Baş İdarəsi tərəfindən aparılan cinayət işi üzrə şübhəli şəxs qismində tutularaq ötən il yanvarın 27-də Cinayət Məcəlləsinin 274-cü (dövlətə xəyanət) maddəsi ilə təqsirləndirilən şəxs qismində cəlb edilib, məhkəmənin qərarı ilə barəsində həbs qətimkan tədbiri seçilib. Sonradan İ.Əhədovun həbs müddəti bir neçə dəfə uzadılıb.
Bu il yanvarın 10-da Bakı Ağır Cinayətlər Məhkəməsində, hakim Eldar İsmayılovun sədrliyi ilə hazırlıq iclası keçirilib. Prosesdə hakim özü-özünə etiraz edib. Onun sözlərinə görə, cinayət işi ilə tanış olan zaman məlum olub ki, həmin iş üzrə istintaq DTX tərəfindən aparılıb. E.İsmayılov həmin iş üzrə istintaq qrupunda onun oğlu Emil İsmayılzadənin də olduğunu deyib: "Qanunvericilik bu işə mənim sədrliyimlə baxmağa imkan vermədiyi üçün özümə etiraz edirəm".
Məhkəmə heyəti etiraz təmin edib. Qərara əsasən, cinayət işi yenidən icraata verilməsi üçün Bakı Ağır Cinayətlər Məhkəməsinin sədri Mahmud Nəbiyevə göndərilib.

Tarix
12 Yanvar [14:37]
Müəllif
Ucnoqta.az
Digər xəbərlər

Bakının mərkəzində avtobuslar üçün zolaq çəkildi- FOTO

Canavarlar Zərdabda mal-qaraya hücum edib -7-ni aparıb, 33-nü yaralayıb -FOTOSESSİYA

Prezident İlham Əliyev iki ölkənin səfirlərinin etimadnamələrini qəbul edib

MN: Ermənilər minaatanlar və iriçaplı pulemyotlarla atəşkəsi 118 dəfə pozublar

Prezident İlham Əliyev banqladeşli həmkarını təbrik edib

Almaniya milli komandası Bakıda şəhər gəzintisinə çıxıb- FOTOLAR

Xəzərdə zəlzələ olub

Xalq artisti səhnədə yıxıldı - VİDEO

Erməni terrorunun qurbanı olmuş Azərbaycanın daxili işlər naziri İstanbulda anılıb

Qondarma "DQR"-in keçmiş "müdafiə naziri" Samvel Babayan həbs edilib

Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.