Bakı Limanı Türkmənistandan 300 min ton tranzit yük cəlb edib

Tranzit yüklərin Azərbaycana cəlb olunması prosesində "Bakı Beynəlxalq Dəniz Ticarət Limanı" QSC ilə qarşılıqlı əməkdaşlıq böyük önəm kəsb edir. Həmin əməkdaşlıq nəticəsində 2016-cı ilin dekabr ayında Türkmənistandan Qara dənizə qədər karbamit yükünün Azərbaycan üzərindən tranzit nəql edilməsi prosesi həyata keçirilib. 

Bu barədə "Azərbaycan Dəmir Yolları" QSC-nin ictimaiyyətlə əlaqələr şöbəsinin rəisi Sevinc Qədirovadan "Report"a daxil olan məlumata görə, sınaq məqsədi daşıyan həmin nəql prosesi zamanı yük gəmilərlə Bakı terminalına daşınıb, orada isə vaqonlara yüklənərək Gürcüstan istiqamətində yola salınıb. Hava şəraiti ilə əlaqədar Xəzər dənizində bərə daşımalarında bəzi gecikmələr yarandığı üçün bu yüklər tıxac yaranan Ələt terminalına deyil, məhz Bakı terminalına yönəldilib. Sınaq nəql prosesi uğurlu olduğundan, 2017-ci il ərzində 300 min ton həmin yükün bu marşrut üzrə daşınması planlaşdırılır.
Yüklərin limandan sonra dəmir yolu ilə nəqli üçün Bakı limanı istiqamətində olan dəmir yollarının balans saxlayıcısı "Bakı Beynəlxalq Dəniz Ticarət Limanı" ilə birlikdə, Dövlət Yol Polisinin (DYP) Siqnal İdarəsi cəlb olunmaqla, Neftçilər prospektini kəsən dəmir yolu üzərində təhlükəsizlik tədbirləri gücləndirilməkdədir.
Eyni zamanda, bərə terminalının Ələt qəsəbəsində inşa edilmiş yeni dəniz limanına köçürülməsi ilə əlaqədar olaraq, Neftçilər prospektini kəsən və istifadə olunmayan digər dəmir yolu prospekt boyunca avtomobillərin təhlükəsiz və rahat hərəkətini təmin etmək məqsədi ilə 2017-ci il yanvarın 4-də sökülərək, “Azəravtoyol” ASC tərəfindən asfalt örtüklə əvəz edilib. 2017-ci il yanvarın 7-də isə Əhmədli stansiyası istiqamətində Neftçilər prospektini kəsən və istifadə olunmayan digər dəmir yolu sökülərək asfalt örtüklə əvəzlənəcək.

Tarix
6 Yanvar [12:33]
Müəllif
Ucnoqta.az
Digər xəbərlər

Neft bahalaşıb

Əmək haqqı 5,1 faiz artıb - Komitə məlumat yaydı

Qızıl ucuzlaşıb

Azərbaycan nefti bahalaşıb

Dolların martın 27-nə olan məzənnəsi açıqlanıb

"Banklar vətəndaşları soyur" - Siyavuş Novruzov

"Banklar vətəndaşları soyur"

"Martın sonu və apreldə dollara tələbin artacağı gözlənilir"

Avtomobil benzini istehsalı artıb - Azərbaycanda

Azərbaycanda neft məhsullarının dəyər ifadəsində istehsal həcmi 401 mln. manat təşkil edib

Bu il Azərbaycanda yük avtomobili istehsal edilməyib

Dolların sabaha olan məzənnəsi açıqlanıb

Xəbər xətti
Çox oxunanlar
Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.