Avropa ölkələrində sığınacaq axtaran 100-dən çox insan ötən həftə Aralıq dənizində boğularaq ölüb.
"Report" xəbər verir ki, bu barədə BMT-nin Qaçqınlar üzrə Ali Komissarlığından (QAK) bildiriblər.
Təşkilatın məlumatına görə, 2016-ci ildə Aralıq dənizində 5000-dən çox qaçqın və miqrant batıb: "Biz digər ölkələrdə sığınacaq və müdafiə axtaran qaçqın və miqrantlar arasında ölənlərin sayının artmasına görə son dərəcə narahatıq".
Qeyd edək ki, 2015-ci ildə Aralıq dənizini keçməklə Avropaya milyondan artıq qaçqın və miqrant gəlib. 3771 nəfər isə Aralıq dənizində boğularaq həlak olub.