Ana səhifə
23 İyun 2017

XİN: "Konstantin Zatulin Azərbaycan və Rusiya arasında strateji tərəfdaşlıq əlaqələrinin inkişafından narahatlıq keçirir"

Azərbaycanın Xarici İşlər Nazirliyinin (XİN) mətbuat xidmətinin rəhbəri Hikmət Hacıyev Rusiya parlamentinin üzvü Konstantin Zatulinin Yerevanda səsləndirdiyi fikirlərinə münasibət bildirib. Azərbaycan XİN-in mətbuat xidmətindən "Report"a verilən məlumata görə, H.Hacıyev deyib ki, Ermənistan və erməni lobbi dairələrinin aləti olan K.Zatulin Azərbaycan və Rusiya arasında strateji tərəfdaşlıq əlaqələrinin və mehriban qonşuluğun dinamik və ardıcıl inkişafından, eləcə də xalqlarımızı birləşdirən ənənəvi dostluqdan ciddi surətdə narahatlıq keçirir.

Onun sözlərinə görə, Azərbaycan və Rusiya arasında əməkdaşlığın hərtərəfli inkişafından məlumatı az olan K.Zatulinin bu mənada narahatçılığı və məyusluğu daha da artmalı olacaqdır.

"Çünki Azərbaycan və Rusiya arasında xalqlarımızın mənafeyi naminə əməkdaşlığın bütün sahələrdə daha da inkişaf etdirilməsi üçün çoxsaylı və böyükmiqyaslı yeni layihələrimiz və təşəbbüslərimiz var" -  H.Hacıyev bildirib.

Qeyd edək ki, deputat K.Zatulin ermənipərəst mövqeyi ilə seçilir.

Tarix
22 Dekabr 2016 [17:03]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
KİV
Virtual Qarabağ