İran prezidenti Həsən Ruhani Ermənistanda rəsmi səfərdədir. "Report" Ermənistan KİV-inə istinadən xəbər verir ki, Yerevan hava limanında H.Ruhanini Ermənistan prezidenti Serj Sarqsyan qarşılayıb.
Tərəflər arasında müxtəlif sahələrdə ikitərəfli əməkdaşlığın dərinləşdirilməsinə dair sənədlərin imzalanması gözlənilir. Danışıqların yekununda prezidentlər bəyanatlarla çıxış edəcək.
Həmçinin H.Ruhani və S.Sarqsyan Ermənistan-İran biznes forumunda iştirak edəcəklər.