İstanbulda “Avrasiya” tunelinin açılış mərasimi keçirilir

16:25 - 20 Dekabr 2016 - DÜNYA

İstanbulda Bosfor boğazından keçən “Avrasiya” tunelinin açılış mərasimi keçirilir. Trend-in məlumatına görə, açılış mərasimində Türkiyə prezidenti Rəcəb Tayyib Ərdoğan, baş nazir Binəli Yıldırım, Gürcüstanın baş naziri Georgi Kvirikaşvili, Azərbaycanın nəqliyyat naziri Ziya Məmmədov, eləcə də Türkiyə və digər dövlətlərin rəsmi şəxsləri iştirak edir.
Qeyd edək ki, layihənin dəyəri 1,3 milyard dollar təşkil edir. Tunelin ümumi uzunluğu 5,4 kilometr, sualtı hissənin uzunluğu isə 3,34 kilometrdir. Tunelin ən dərində yerləşən hissəsi dəniz səviyyəsindən 106,4 metrdə inşa edilib.
Tuneldən gün ərzində 120 min avtomobilin keçəcəyi gözlənilir.

Xəbər xətti