"Maliyyə sektorunda restrukturizasiyanın tamamlanmasına hədəflənmişik, ilin sonu-növbəti ilin əvvəlinə tamamlamağı düşünürük".
Bu barədə Maliyyə Bazarlarına Nəzarət Palatası (MBNP) Direktorlar Şurasının sədri Rüfət Aslanlı bu gün Bakıda keçirilən bank forumunda çıxışında bildirib.
"Sektorda həll olunacaq məsələlər gündəlikdə qalır. Kredit aktivliyi aşağıdır. Kredit portfeli azalmaqda davam edir. Çünki biz yeni modelə keçiddəyik. Bu, bir qədər vaxt aparacaq. Sağlam, dayanıqılı, effektiv bank sektorunun yaradılması üzrə strategiyamızı davam etdiririk", - deyə R.Aslanlı əlavə edib.