Cəlilabadda avtomobil piyadanı vuraraq öldürüb, sürücü qaçıb - FOTO

09:35 - 22 Sentyabr 2016 - HADİSƏ

Cəlilabad rayonunda piyadanın ölümü ilə nəticələnən yol-nəqliyyat hadisəsi baş verib.

Bu barədə “Report”un Aran bürosu xəbər verir ki, hadisə ötən gün axşam saatlarında rayonun Heydər Əliyev prospektində qeydə alınıb.
Naməlum avtomobil yolu keçmək istəyən Astanlı kənd sakini, 48 yaşlı Nadir Məmmədovu vurub. Piyada aldığı xəsarətlərdən dünyasını dəyişib. Sürücü isə hadisə yerindən qaçıb.
Avtomobilin qırılaraq yerə tökülmüş ehtiyat hissələrindən onun “VAZ-2106” olduğu ehtimal edilir.
Hadisəni törədən sürücünün tapılması istiqamətində axtarışlar davam etdirilir.


Xəbər xətti