Ana səhifə
20 Oktyabr 2018

Mətbuat Şurasının Şikayətlər üzrə Komissiyasının iclası keçirilib

Bu gün Azərbaycan Mətbuat Şurasının Şikayətlər üzrə Komissiyası növbəti iclasını keçirib. MŞ sədrinin müavini, Jurnalistlərin Həmkarlar İttifaqının (JUHİ) rəhbəri Müşfiq Ələsgərlinin başçılıq etdiyi Komissiyanın üzvləri 5 kütləvi informasiya vasitəsi ilə bağlı məsələni araşdırıblar.
Öncə «Azərbaycan Televiziya və Radio Verilişləri» Qapalı Səhmdar Cəmiyyətinin bir qrup əməkdaşının «Polemik.az» saytı barədə müraciətinə baxılıb. Komissiya saytdan şikayət doğuran yazıları araşdıraraq rəyə gəlib ki, Mətbuat Şurasının bu KİV barədə müvafiq ölçü götürməsi üçün ciddi əsaslar vardır. Belə ki, saytın baş redaktoru Firuz Kazımoğlu «Kütləvi informasiya vasitələri haqqında» Azərbaycan Respublikası Qanununun tələblərini pozaraq vəzifə səlahiyyətlərindən sui-istifadə edib. O, həmin materiallarda vaxtı ilə çalışdığı bu qurumun rəhbərliyi və ayrı-ayrı əməkdaşları barədə şərəf və ləyaqətin təhqirinə, işgüzar nüfuzun aşağılanmasına yönələn qərəzli fikirlər, ifadələr işlətməklə özünü maraqlı tərəf kimi göstərib. Nəticədə «Azərbaycan Jurnalistlərinin Peşə Davranışı Qaydaları»nın bir sıra prinsip və bəndlərinin tələblərinə sayğısız yanaşılıb.
Komissiya bütün bunları nəzərə alaraq «Polemik.az» saytına Azərbaycan Mətbuat Şurasının xəbərdarlığını edib. KİV-ə qarşı tərəfdən üzr istənilməsi, təkzib verilməsi, şikayət doğuran yazıların saytdan çıxarılması tövsiyə olunub. Baş redaktor Mətbuat Şurasının qərarının icrasına hazır olduğunu bildirib.
İclasda Beyləqan Meşə Mühafizəsi və Bərpası Müəssisəsinin «Nüanslar» qəzeti barədə  şikayəti əsasında da rəy çıxarılıb. Mətbu orqanın rəhbərliyi bildirib ki, bu idarə barədə gedən yazıda balansın gözlənilməməsi bir sıra etik prinsiplərin pozulması ilə nəticələnib. Qəzet növbəti sayında bunları aradan qaldırmağa hazırdır. Komissiya belə mövqeni məsələnin həlli üçün  yetərli sayıb.
Gəncə Musigi Kollecinin «Patriot.az» saytı barədə müraciətinə cavabdeh tərəfin iştirakı olmadan baxılıb. KİV rəhbərliyi naməlum səbəbdən iclasa qatılmayıb. Komissiya narazılığa səbəb yazının «reket jurnalistika»ya xas tərzdə təqdim olunduğunu müəyyənləşdirib. Bu, eləcə də digər məqamlar əsas götürülərək məsələnin MŞ-nin «Reket jurnalistika»ya qarşı mübarizə Komissiyasında da araşdırılması zəruri hesab edilib. Sayt barədə yekun qərar bu komissiyanın təqdimatının müzakirəsindən sonra qəbul olunacaqdır
«Azəri -Türk» Qadınlar Birliyinin «İdealpress.az» və «Expromt.az» saytları haqqında müraciəti müzakirə olunarkən komissiya üzvləri qənaətə gəliblər ki, məsələnin mahiyyətində inzibati orqanların araşdırmalı olduğu cəhətlər üstünlük təşkil edir. Buna görə də həmin materialların baxılmaq üçün müvafiq orqanlara göndərilməsi məqbul sayılıb.

 

Tarix
21 Aprel 2016 [18:06]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin