Ana səhifə
16 Noyabr 2018

“Nə yolla olur-olsun, Zəngilan qaytarılacaq” - Millət vəkili

 

“Kəlbəcər girovları haqda yetərincə bilgisi olmadığını deyən ABŞ Dövlət Departamentinin sözçüsü Cen Psaki, görəsən, ermənilərin Zəngilanda uşaq bağçası tikmələrindən necə, xəbərdardırmı?”.

 

Ucnoqta.az xəbər verir ki, bu açıqlama ilə millət vəkili Sahib Alıyev öz Feysbuk səhifəsində çıxış edib.

 

O, ABŞ-ın Qarabağdakı azərbaycanlı əsirlərdən xəbərsiz olduqlarına inanmadığını bildirib:

 

“Almaniya kimi bir dövlətin kanslerinin öz ərinə telefonda nə dediyindən belə xəbər tutmağı bacaranlar üçün bunu bilmək elə də çətin olmasın gərək. Elə isə bu bağçanın tikintisinə və separatçı rejimin başında duran Bako Saakyanın gedib onun açılışını etməsinə nədən reaksiya verilmir? Özü də bilə-bilə ki, Zəngilan heç vaxt Dağlıq Qarabağın tərkibində olmayıb və orada ermənilər yaşamayıb. Və yəqin xanım Psaki bunu da bilməmiş deyil ki, mənzil qərargahı həmin Amerikada yerləşən BMT-nin Təhlükəsizlik Şurasının 1993-cü ilin 11 noyabrındakı 884 saylı qətnaməsində məhz Zəngilanın və Horadizin işğalı faktı pislənərək, ermənilərin oranı tərk etmələri tələb olunurdu. Ukraynanın şərqində Rusiyanın ən xırda hərəkətlərini belə izləyib bunu kəskin tənqid edənlər, bütün Qərbi Moskvanın üstünə qaldıranlar ermənilərə gəldikdə niyə susurlar? Susurlar sussunlar, amma onlar da, ermənilər də bilsinlər ki, belə getməyəcək. Hansı yolla olursa-olsun, Zəngilan geri qaytarılacaq. Orda Saakyanın açılışına qatıldığı bağçanın yerində də yəqin təzəsi - daha çağdaşı və yaraşıqlısı tikiləcək ki, azərbaycanlı balalar özlərini rahat və xoşbəxt hiss etsinlər. Bəs indi həmin bağçaya gedən erməni uşaqları necə olacaqlar? Ermənilər özləri anlamırlar. Onlara canı yananlar necə, bu haqda düşünürlərmi?”(Axar.az)

 

Tarix
1 Noyabr 2014 [15:11]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin