Ana səhifə
26 Sentyabr 2018

İlham Əliyev BMT nümayəndələrini qəbul edib

Azərbaycan prezidenti İlham Əliyev BMT-nin ictimai məlumat şöbəsinin rəhbəri Maher Nasser, BMT baş katibinin gənclər üzrə elçisi Ahmad Rafi Mohamad Alhendavi, Avropa Şurasının demokratiya üzrə baş direktoru Snejana Samardjiç-Markoviç və UNESCO baş direktorunun köməkçisi Lalla Aişa Ben Barkanı qəbul edib.

 

 

Ucnoqta.az xəbər verir ki, apa-nın məlumatına görə, M. Nasser Gənclər siyasəti üzrə birinci qlobal forumun yüksək səviyyədə təşkilinə görə dövlət başçısına minnətdarlığını bildirib, Azərbaycanın əldə etdiyi böyük nailiyyətlər münasibətilə təbriklərini çatdırıb.

O, BMT-nin baş katibi Pan Gi Munun tədbirə böyük maraq göstərdiyini vurğulayıb və onun forum iştirakçılarına videomüraciətinin önəmini qeyd edib. M. Nasser Gənclər siyasəti üzrə birinci qlobal forumun ilk dəfə Bakıda keçirilməsinin gənclər siyasəti sahəsində beynəlxalq əməkdaşlığın genişləndirilməsi baxımından çox önəmli olduğunu deyib.
A. Alhendavi isə tədbirin BMT-nin gənclər siyasəti üzrə ilk qlobal forumu olmasının önəmini vurğulayıb. O, forumun bu günədək bu sahədə ən çox ölkə və nümayəndənin bir araya gəldiyi tədbir olduğunu qeyd edib. A. Alhendavi forumun yüksək səviyyədə keçirilməsinə verdiyi dəstəyə görə Azərbaycan prezidentinə minnətdarlığını bildirib.
Öz növbəsində prezident İlham Əliyev Gənclər siyasəti üzrə birinci qlobal forumun Azərbaycanda keçirilməsinin əhəmiyyətini qeyd edib. Pan Gi Munun foruma ünvanladığı videomüraciətini tədbirə beynəlxalq səviyyədə verilən önəmin ifadəsi kimi dəyərləndirən dövlət başçısı Azərbaycanın artıq çox nüfuzlu beynəlxalq tədbirlərin keçirildiyi bir məkana çevrildiyini, bunun ölkələr və xalqlar arasında əməkdaşlığın daha da genişləndirilməsi işinə xidmət etdiyini vurğulayıb.

Tarix
29 Oktyabr 2014 [17:14]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin